From the Depths

¹‘n Lied, ‘n Psalm van die kinders van Korag, Vir die musiekleier; op die wysie van: "Máhalat leannot." ‘n Onderwysing van Heman, die Esrahiet. (88:2) HERE, God van my heil, bedags roep ek, in die nag is dit voor U."

²(88:3) Laat my gebed voor u aangesig kom, neig u oor tot my smeking."

³(88:4) Want my siel is sat van teëspoede, en my lewe raak aan die doderyk."

⁴(88:5) Ek word gereken by die wat in die kuil neerdaal; ek het geword soos ‘n man sonder krag,"

⁵(88:6) vrygelaat onder die dooies, soos die wat verslaan is, wat in die graf lê, aan wie U nie meer dink nie, en wat afgesny is van u hand."

⁶(88:7) U het my gesit in die kuil diep daaronder, in duisternisse, in dieptes."

⁷(88:8) U grimmigheid rus op my, en U druk my neer met al u golwe. Sela."

⁸(88:9) U het my bekendes ver van my verwyder, my iets afskuweliks gemaak vir hulle; ek is ingesluit en kan nie uitkom nie."

⁹(88:10) My oog vergaan van ellende. HERE, ek roep U aan die hele dag deur, ek brei my hande na U uit."

¹⁰(88:11) Kan U aan die dooies ‘n wonder doen? Of kan skimme opstaan, kan hulle U loof? Sela."

¹¹(88:12) Kan u goedertierenheid vertel word in die graf, u trou in die plek van vertering?"

¹²(88:13) Kan u wondermag in die duisternis bekend word en u geregtigheid in die land van vergetelheid?"

¹³(88:14) Maar ék, HERE, roep U aan om hulp, en in die môre kom my gebed U tegemoet."

¹⁴(88:15) HERE, waarom verstoot U my siel, verberg U u aangesig vir my?"

¹⁵(88:16) Van jongs af is ek ellendig en klaar om te sterwe; ek dra u verskrikkinge, ek is radeloos."

¹⁶(88:17) U toorngloed het oor my gegaan; u verskrikkinge vernietig my;"

¹⁷(88:18) die hele dag omring hulle my soos water, saam omsingel hulle my."

¹⁸(88:19) U het vriend en metgesel ver van my verwyder; my bekendes is duisternis."