Keep Not Silence

¹‘n Lied. ‘n Psalm van Asaf. (83:2) o God, hou U nie stil nie, swyg nie en rus nie, o God!"

²(83:3) Want kyk, u vyande maak rumoer, en u haters steek die hoof op."

³(83:4) Teen u volk smee hulle listig ‘n plan en hou onder mekaar raad teen u verborgenes."

⁴(83:5) Hulle sê: Kom, laat ons hulle vernietig, dat hulle geen volk meer is nie, sodat aan die naam van Israel nie meer gedink word nie."

⁵(83:6) Want hulle het van harte saam raad gehou; teen U sluit hulle ‘n verbond:"

⁶(83:7) die tente van Edom en die Ismaeliete, Moab en die Hagareners,"

⁷(83:8) Gebal en Ammon, en Amalek, Filistéa saam met die inwoners van Tirus."

⁸(83:9) Ook het Assur by hulle aangesluit; hulle is ‘n arm vir die kinders van Lot. Sela."

⁹(83:10) Maak met hulle soos met Mídian, soos met Sísera, soos met Jabin by die spruit Kison:"

¹⁰(83:11) hulle is verdelg by Endor, hulle het mis geword vir die grond."

¹¹(83:12) Maak hulle, hul edeles, soos Oreb en Seëb, en al hulle vorste soos Seba en Salmúna,"

¹²(83:13) wat sê: Laat ons die woninge van God vir ons in besit neem!"

¹³(83:14) My God, maak hulle soos strooi, soos stoppels voor die wind."

¹⁴(83:15) Soos vuur wat ‘n bos verbrand, en soos die vlam wat berge aan die brand steek—"

¹⁵(83:16) vervolg hulle só met u storm en verskrik hulle met u stormwind."

¹⁶(83:17) Oordek hulle aangesig met skande, dat hulle u Naam kan soek, o HERE!"

¹⁷(83:18) Laat hulle beskaamd staan en verskrik wees vir ewig, en laat hulle rooi van skaamte word en omkom;"

¹⁸(83:19) sodat hulle kan weet dat U, wie se Naam HERE is, alleen die Allerhoogste is oor die hele aarde."