Why Hast Thou Cast Us Off?

¹‘n Onderwysing van Asaf. o God, waarom het U vir altyd verstoot? Waarom rook u toorn teen die skape van u weide?"

²Dink aan u vergadering wat U in die voortyd verwerf het, wat U verlos het om die stam van u erfdeel te wees, aan die berg Sion waar U op gewoon het."

³Hef u voete op na die ewige puinhope: alles het die vyand in die heiligdom verniel."

⁴U teëstanders het binne-in u vergaderplek gebrul; hulle het hul tekens as tekens gestel."

⁵Dit lyk soos wanneer iemand byle omhoog hef in ‘n digte plek bome."

⁶En nou—die houtsnywerk daarvan het hulle alles met byl en hamers stukkend geslaan."

⁷Hulle het u heiligdom aan die brand gesteek; tot die grond toe het hulle die woonplek van u Naam ontheilig."

⁸Hulle het in hul hart gesê: Laat ons hulle almal saam onderdruk! Hulle het al die vergaderplekke van God in die land verbrand."

⁹Ons sien nie ons tekens nie; daar is geen profeet meer nie, en by ons is daar niemand wat weet hoe lank nie."

¹⁰Hoe lank, o God, sal die teëstander smaad aandoen, sal die vyand u Naam vir altyd verag?"

¹¹Waarom trek U u hand, ja, u regterhand, terug? Trek dit uit u boesem! Vernietig!"

¹²Nogtans is God my Koning van die voortyd af, wat verlossinge werk op die aarde."

¹³U het deur u sterkte die see geklief; U het die koppe van die seemonsters op die waters verbreek."

¹⁴U het die koppe van die Leviátan verbrysel; U het hom gegee as voedsel vir ‘n volk—vir woestyndiere."

¹⁵U het fontein en stroom oopgeslaan; U het standhoudende riviere laat opdroog."

¹⁶Aan U behoort die dag, aan U behoort ook die nag; U het hemelligte en son vasgestel."

¹⁷U het al die grense van die aarde bepaal; somer en winter, U het hulle geformeer."

¹⁸Dink hieraan: Die vyand het die HERE gesmaad, en ‘n dwase volk het u Naam verag."

¹⁹Gee aan die wilde diere die siel van u tortelduif nie oor nie; vergeet nie vir altyd die lewe van u ellendiges nie."

²⁰Aanskou die verbond, want die donker plekke van die land is vol wonings van geweld."

²¹Laat die verdrukte nie beskaamd terugkom nie; laat die ellendige en behoeftige u Naam prys."

²²Staan op, o God, verdedig u saak; dink aan die smaad wat U die hele dag aangedoen word deur ‘n dwaas."

²³Vergeet nie die geroep van u teëstanders nie—die rumoer van u opstandige vyande, wat altyddeur opgaan!"