Until I Entered the Sanctuary

¹Ihubo lika-Asafa. Impela uNkulunkulu umnene ku-Israyeli, kubo abanenhliziyo ehlanzekileyo.

²Kepha mina, izinyawo zami zicishe zakhubeka; kwaba kancane ukuba izinyathelo zami zishelele.

³Ngokuba ngaba nomhawu ngabazidlayo, lapho ngibona ukubusa kwababi.

⁴Ngokuba abanabuhlungu kuze kube sekufeni kwabo, namandla abo aqinile.

⁵Abahlupheki njengabanye abantu; abahlushwa njengabanye abantu.

⁶Ngakho-ke iqholo lingumnaka wabo; indluzula ibembesa njengengubo.

⁷Amehlo abo aphinqekile ngokunona; imicabango yenhliziyo iyachichima.

⁸Bayaklolodela; ebubini bakhuluma ngokukhahla; bakhuluma besekuphakamemi.

⁹Umlomo wabo bawuphakamisela ezulwini; ulimi lwabo luhambela emhlabeni.

¹⁰Ngakho-ke isizwe sakhe sibuyela lapha; amanzi amaningi bazimuncela wona.

¹¹Bathi: “UNkulunkulu wazi kanjani na? Imbala kukhona ukwazi koPhezukonke na?”

¹²Bheka, laba bayibo ababi; bazinza njalo; bandisa imfuyo.

¹³Impela ngiyihlanzele ize inhliziyo yami, ngahlamba izandla zami ngingenacala,

¹⁴ngokuba ngahlushwa usuku lonke; kwasa ngijeziswa.

¹⁵Uma bengithe, ngizakukhuluma kanjalo, bheka, ngabe ngisikhohlisile isizukulwane sabantwana bakho.

¹⁶Kwathi ngicabanga ukuba ngikuqonde lokho, kwaba luhlupho emehlweni ami,

¹⁷ngaze ngangena endlini engcwele kaNkulunkulu, ngaqaphelisisa ukugcina kwabo.

¹⁸Impela ubabeka ezindaweni ezibushelezi; ubawisa babe yincithakalo.

¹⁹Maye, bachithwa ngokuphazima kweso! Bashona, babhubha benovalo.

²⁰Njengephupho ekuphaphameni, Nkosi, uyakudelela umfanekiso wabo ekuvukeni kwakho.

²¹Kwathi inhliziyo yami yaba nomunyu, kuhlaba ezinsweni zami,

²²ngaba yisiphukuphuku, angaqonda lutho; ngaba yisilwane kuwe.

²³Kepha mina ngiyakube ngikuwe njalo; ungibambile ngesandla sami sokunene.

²⁴Uyakungihola ngesiluleko sakho, andukuba ungamukele enkazimulweni.

²⁵Nginobani ezulwini na? Uma nginawe, angifuni lutho emhlabeni.

²⁶Inyama yami nenhliziyo yami iyaphela; nokho uNkulunkulu uyidwala lenhliziyo yami nesabelo sami kuze kube phakade.

²⁷Ngokuba bheka, abakude nawe bayakubhubha; uyabachitha bonke abahlubukayo kuwe ngokuphinga.

²⁸Kepha mina kungilungele ukusondela kuNkulunkulu; ngenzile iNkosi uJehova ibe yisiphephelo sami, ukuze ngishumayele zonke izenzo zakho.