Plea for Mercy in Distress

¹Vir die musiekleier; met snaarinstrumente; met basstem. ‘n Psalm van Dawid. (6:2) o HERE, straf my nie in u toorn nie, en kasty my nie in u grimmigheid nie."

²(6:3) Wees my genadig, HERE, want ek is verswak; maak my gesond, HERE, want my gebeente is verskrik."

³(6:4) Ja, my siel is baie verskrik; en U, HERE, tot hoe lank?"

⁴(6:5) Keer terug, HERE, red my siel; verlos my om u goedertierenheid ontwil."

⁵(6:6) Want in die dood word aan U nie gedink nie; wie sal U loof in die doderyk?"

⁶(6:7) Ek is moeg van my gesug; elke nag laat ek my bed swem; ek deurweek my bed met my trane."

⁷(6:8) My oog het dof geword van verdriet; dit het swak geword vanweë al my teëstanders."

⁸(6:9) Gaan weg van my, al julle werkers van ongeregtigheid, want die HERE het die stem van my geween gehoor."

⁹(6:10) Die HERE het my smeking gehoor; die HERE neem my gebed aan."

¹⁰(6:11) Al my vyande sal beskaamd staan en baie verskrik word; hulle sal in ‘n oomblik beskaamd omdraai."