Blessed is He That Considereth the Poor

¹Vir die musiekleier. ‘n Psalm van Dawid. (41:2) Welgeluksalig is hy wat ag gee op die arme; die HERE sal hom red in die dag van onheil."

²(41:3) Die HERE sal hom bewaar en hom in die lewe hou; hy sal gelukkig gemaak word op die aarde. Ja, U kan hom nie oorgee aan die begeerte van sy vyande nie."

³(41:4) Die HERE sal hom ondersteun op die siekbed; sy hele slaapplek verander U as hy krank is."

⁴(41:5) Ék het gesê: o HERE, wees my genadig! Genees my, want ek het teen U gesondig."

⁵(41:6) My vyande spreek kwaad van my en sê: Wanneer sal hy sterwe en sy naam vergaan?"

⁶(41:7) En as iemand kom om my te sien, dan praat hy leuens; sy hart vergader boosheid vir hom; gaan hy uit na buite, dan spreek hy daarvan."

⁷(41:8) Al my haters tesame fluister onder mekaar teen my; teen my bedink hulle my onheil en sê:"

⁸(41:9) Iets skandeliks is op hom uitgestort; en nou dat hy lê, sal hy nie weer opstaan nie."

⁹(41:10) Selfs die man wat met my in vrede lewe, op wie ek vertrou het, wat my brood eet, het die hakskeen teen my opgelig."

¹⁰(41:11) Maar U, o HERE, wees my genadig en rig my op, dat ek hulle dit kan vergelde!"

¹¹(41:12) Hieraan weet ek dat U ‘n welbehae in my het: dat my vyand oor my nie juig nie."

¹²(41:13) My tog, in my opregtheid ondersteun U my, en stel my voor u aangesig tot in ewigheid."

¹³(41:14) Geloofd sy die HERE, die God van Israel, van ewigheid tot in ewigheid! Amen, ja amen."