The Voice of the LORD

¹Ihubo likaDavide. Mnikeni uJehova, nina madodana kaNkulunkulu, mnikeni uJehova udumo namandla.

²Mnikeni uJehova udumo lwegama lakhe, nikhuleke kuJehova emvunulweni engcwele.

³Izwi likaJehova liphezu kwamanzi, uNkulunkulu wenkazimulo uyaduma; uJehova uphezu kwamanzi amakhulu.

⁴Izwi likaJehova linamandla; izwi likaJehova linenkazimulo.

⁵Izwi likaJehova liyaphula imisedari; uJehova waphula imisedari yaseLebanoni.

⁶ILebanoni ulitshekulisisa okwenkonyane, neSiriyoni njengethole lenyathi.

⁷Izwi likaJehova lidabula amalangabi omlilo.

⁸Izwi likaJehova lizamazamisa ihlane; uJehova uzamazamisa ihlane laseKadeshi.

⁹Izwi likaJehova liphunzisa izimbabala; lihluba amahlathi; nasethempelini lakhe konke kuthi: “Udumo!”

¹⁰UJehova wayehlezi ebusa phezu kukazamcolo; uJehova uhlezi eyinkosi kuze kube phakade.

¹¹UJehova uzakunika abantu bakhe amandla; uJehova uzakubusisa abantu bakhe ngokuthula.