Vindicate Me, O LORD

¹ElikaDavide. Ngahlulele, Jehova, ngokuba ngihamba ekulungeni kwami; ngithemba uJehova, angiyikuntenga.

²Ngivivinye, Jehova, ungilinge; hlolisisa izinso zami nenhliziyo yami.

³Ngokuba ububele bakho buphambi kwamehlo ami; ngihamba eqinisweni lakho.

⁴Angihlali nabantu bamanga, angihambelani nezimbulu.

⁵Ngiyawuzonda umhlangano wabenza okubi, angihlali nababi.

⁶Ngiyahlamba izandla zami ngingenacala, ngizungeza i-altare lakho, Jehova,

⁷ukuba ngizwakalise izwi lokudumisa, ngilande ngazo zonke izimangaliso zakho.

⁸Jehova, ngiyayithanda inkundla yendlu yakho nendawo lapho kuhlezi khona inkazimulo yakho.

⁹Ungamukisi umphefumulo wami kanye nezoni nokuphila kwami kanye nabantu begazi

¹⁰abanehlazo ezandleni zabo, nesokunene sabo sigcwele izipho zenkohliso.

¹¹Kepha mina ngihamba ekulungeni kwami; ngihlenge, ube nomusa kimi.

¹²Unyawo lwami lumi ebaleni; ngizakudumisa uJehova emihlanganweni.