Sing Unto the LORD a New Song

¹Haleluya! Hlabelelani kuJehova igama elisha, indumiso yakhe emhlanganweni wabangcwele.

²U-Israyeli makathokoze ngowamEnzayo, abantwana baseSiyoni bethabele iNkosi yabo.

³Mabadumise igama lakhe ngokusina, bamhubele ngesigubhu nehabhu.

⁴Ngokuba uJehova uyathokoza ngabantu bakhe; abathobekileyo uyabahlobisa ngensindiso.

⁵Abalungileyo mabethabe ngobukhosi,

⁶Ukumphakamisa uNkulunkulu makube semlonyeni wabo, nenkemba esika nhlangothi zombili esandleni sabo,

⁷ukuba benze impindiselo kubo abezizwe nezijeziso kubantu,

⁸babophe amakhosi abo ngamaketanga nabadumileyo babo ngezibopho zensimbi,

⁹bafeze phezu kwabo isahlulelo esilotshiweyo; kuludumo kubo bonke abangcwele bakhe. Haleluya!