Praise Ye Him All His Hosts

¹Haleluya! Dumisani uJehova ezulwini, nimdumise kweliphezulu.

²Mdumiseni nina zingelosi zakhe zonke, nimdumise nina mabandla akhe onke.

³Mdumiseni nina langa nenyanga, nimdumise nina zinkanyezi zonke ezikhanyayo.

⁴Mdumiseni nina mazulu amazulu, nina manzi aphezu kwezulu.

⁵Makuthathe kudumise igama likaJehova, ngokuba wayaleza, kwadaleka.

⁶Futhi wakumisa kuze kube phakade; washaya umthetho ongenakweqiwa.

⁷Mdumiseni uJehova emhlabeni nina mikhomo nezintwa zonke,

⁸nawe mlilo nesichotho, liqhwa nenkwezane, nawe siphepho esenza okwezwi lakhe,

⁹nani zintaba namagquma onke, nani mithi ethelayo nayo yonke imisedari,

¹⁰nani zilwane nezinkomo zonke, nani eninwabuzelayo nezinyoni ezindizayo,

¹¹nani makhosi omhlaba nabantu bonke, nani zikhulu nabahluleli bonke bomhlaba,

¹²nani zinsizwa nezintombi, nani maxhegu nabafana.

¹³Mabadumise igama likaJehova, ngokuba ngelakhe igama lodwa eliphakeme; inkazimulo yakhe iphezu komhlaba nezulu.

¹⁴Usephakamisile uphondo lwabantu bakhe; ngalokho bayamdumisa abangcwele bakhe, abantwana bakwa-Israyeli, abantu abaseduze naye. Haleluya!