Deliver Me, O LORD

¹Kumholi wokuhlabelela. Ihubo likaDavide. Ngikhulule, Jehova, kumuntu omubi, ngilondoloze kumuntu oyisidlwangudlwangu.

²Baceba okubi enhliziyweni yabo; izinsuku zonke baviva impi.

³Bayalola ulimi lwabo njengenyoka; isihlungu samabululu siphansi kwezindebe zabo. Sela

⁴Ngilondoloze ezandleni zomubi, ngilinde kumuntu oyisidlwangudlwangu, oceba ukukhuba izinyawo zami.

⁵Abazidlayo bangifihlela ugibe; ngezintambo bendlala inetha; eceleni kwendlela bangibekela izihibe. Sela

⁶Ngathi kuJehova: �UnguNkulunkulu wami wena.� Yizwa, Jehova, izwi lokunxusa kwami.

⁷Jehova Nkosi yami, mandla ensindiso yami, uvikela ikhanda lami ngosuku lokulwa.

⁸Ungazivumeli, Jehova, izifiso zababi; ungaphumelelisi amacebo abo, funa baziphakamise. Sela

⁹Maqondana nesihlungu sabangizungezayo mabambozwe ngububi bomlomo wabo.

¹⁰Amalahle ashisayo mawawele phezu kwabo; mabaphonswe emlilweni nasemigodini ejulileyo, bangabe besavuka.

¹¹Umuntu wamanga makangamiswa emhlabeni; ububi mabuzingele umuntu oyisidlwangudlwangu, abhujiswe.

¹²Ngiyazi ukuthi uJehova uyakumela udaba lohluphekayo nokufaneleyo kwabampofu.

¹³Impela abalungileyo bayakubonga igama lakho; abaqotho bayakuhlala ebusweni bakho.