His Mercy Endureth For Ever

¹Bongani uJehova, ngokuba muhle, ngokuba umusa wakhe umi phakade.

²Bongani uNkulunkulu wawonkulunkulu, ngokuba umusa wakhe umi phakade.

³Bongani iNkosi yamakhosi, ngokuba umusa wayo umi phakade;

⁴yona engoyedwa owenza izimangaliso ezinkulu, ngokuba umusa wakhe umi phakade;

⁵owenzile izulu ngokuhlakanipha, ngokuba umusa wakhe umi phakade;

⁶owendlala umhlaba phezu kwamanzi, ngokuba umusa wakhe umi phakade;

⁷owenza izinkanyiso ezinkulu, ngokuba umusa wakhe umi phakade;

⁸ilanga ukuba libuse emini, ngokuba umusa wakhe umi phakade;

⁹inyanga nezinkanyezi ukuba zibuse ebusuku, ngokuba umusa wakhe umi phakade;

¹⁰owalishaya iGibithe, amazibulo alo, ngokuba umusa wakhe umi phakade;

¹¹owamkhipha u-Israyeli phakathi kwabo, ngokuba umusa wakhe umi phakade;

¹²ngesandla esinamandla nangengalo eyeluliweyo, ngokuba umusa wakhe umi phakade;

¹³owahlukanisa kabili uLwandle Olubomvu, ngokuba umusa wakhe umi phakade;

¹⁴owawelisa u-Israyeli phakathi kwalo, ngokuba umusa wakhe umi phakade;

¹⁵owachitha uFaro nempi yakhe eLwandle Olubomvu, ngokuba umusa wakhe umi phakade;

¹⁶owahola abantu bakhe ehlane, ngokuba umusa wakhe umi phakade;

¹⁷owashaya amakhosi amakhulu, ngokuba umusa wakhe umi phakade;

¹⁸owabulala amakhosi adumileyo, ngokuba umusa wakhe umi phakade;

¹⁹uSihoni inkosi yama-Amori, ngokuba umusa wakhe umi phakade;

²⁰no-Ogi inkosi yaseBashani, ngokuba umusa wakhe umi phakade;

²¹owanika izwe labo laba yifa, ngokuba umusa wakhe umi phakade;

²²laba yifa lika-Israyeli inceku yakhe, ngokuba umusa wakhe umi phakade;

²³owasikhumbula sisephansi, ngokuba umusa wakhe umi phakade;

²⁴owasikhulula ezitheni zethu, ngokuba umusa wakhe umi phakade;

²⁵onika inyama yonke ukudla, ngokuba umusa wakhe umi phakade.

²⁶Bongani uNkulunkulu wezulu, ngokuba umusa wakhe umi phakade.