Many a Time

¹Igama lokukhuphuka. Bangihluphile kaningi kwasebusheni bami, makasho njalo u-Israyeli.

²Bangihluphile kakhulu, nokho abangahlulanga.

³Abalimi balima emhlane wami, benza ibe mide imisele yabo.

⁴UJehova ulungile; unqumile izintambo zababi.

⁵Mabajabhiswe, babuyiselwe emuva bonke abazonda iSiyoni.

⁶Mababe njengotshani ophahleni, obubuna bungakakhuli.

⁷Ovunayo akagcwalisi ngabo isandla sakhe, nobopha izinyanda izingalo zakhe.

⁸Abadlulayo abasho ukuthi: “Isibusiso sikaJehova masibe phezu kwenu; siyanibusisa egameni likaJehova.”