The Word of God

¹Alef. Welgeluksalig is die opregtes van weg, wat in die wet van die HERE wandel."

²Welgeluksalig is die wat sy getuienisse bewaar, Hom van ganser harte soek;"

³ook geen ongeregtigheid doen nie, maar in sy weë wandel."

⁴U het u bevele gegee om dit trou te onderhou."

⁵Ag, was my weë maar vas om u insettinge te onderhou!"

⁶Dan sal ek nie beskaamd staan as ek op al u gebooie let nie."

⁷Ek sal U loof in opregtheid van hart as ek u regverdige verordeninge leer."

⁸Ek sal u insettinge onderhou; verlaat my nie geheel en al nie."

⁹Bet. Waarmee sal die jongeling sy pad suiwer hou? Deur dit te hou na u woord."

¹⁰Ek soek U met my hele hart; laat my nie afdwaal van u gebooie nie."

¹¹Ek het u woord in my hart gebêre, dat ek teen U nie sal sondig nie."

¹²Lofwaardig is U, o HERE! Leer my u insettinge!"

¹³Ek het met my lippe vertel al die verordeninge van u mond."

¹⁴Ek is vrolik in die weg van u getuienisse soos oor allerhande rykdom."

¹⁵Ek wil u bevele oordink en op u paaie let."

¹⁶Ek sal my verlustig in u insettinge, u woord sal ek nie vergeet nie."

¹⁷Gimel. Doen goed aan u kneg, sodat ek kan lewe; dan wil ek u woord bewaar."

¹⁸Open my oë, dat ek kan sien die wonders uit u wet."

¹⁹Ek is ‘n vreemdeling op die aarde; verberg u gebooie nie vir my nie."

²⁰My siel vergaan van verlange na u verordeninge altyddeur."

²¹U dreig die vermeteles as gevloektes wat van u gebooie afdwaal."

²²Wentel smaad en veragting van my af, want u getuienisse het ek bewaar."

²³Al sit vorste en beraadslaag teen my—u kneg oordink u insettinge."

²⁴Ja, u getuienisse is my verlustiging, my raadsmanne."

²⁵Dalet. My siel kleef aan die stof; maak my lewend na u woord."

²⁶My weë het ek vertel, en U het my verhoor; leer my u insettinge!"

²⁷Laat my die weg van u bevele verstaan, dat ek u wonders kan oordink."

²⁸My siel drup weg van kommer; rig my op na u woord."

²⁹Verwyder van my die weg van leuens, en verleen my genadiglik u wet."

³⁰Ek het die weg van waarheid verkies; u verordeninge het ek voor my gestel."

³¹Ek kleef u getuienisse aan; o HERE, maak my nie beskaamd nie!"

³²Ek sal op die weg van u gebooie wandel, want U verruim my hart."

³³He. HERE, leer my die weg van u insettinge, sodat ek dit tot die einde toe kan bewaar."

³⁴Gee my verstand, dat ek u wet kan bewaar, ja, dit kan onderhou van ganser harte."

³⁵Laat my wandel op die pad van u gebooie, want daarin het ek ‘n behae."

³⁶Neig my hart tot u getuienisse en nie tot winsbejag nie."

³⁷Wend my oë af, dat hulle geen nietigheid sien nie; maak my lewend in u weë."

³⁸Vervul aan u kneg u belofte wat pas by u vrees."

³⁹Wend my smaadheid af wat ek vrees, want u verordeninge is goed."

⁴⁰Gewis, ek het ‘n begeerte tot u bevele; maak my lewend deur u geregtigheid."

⁴¹Wau. En laat u goedertierenhede oor my kom, o HERE, u heil volgens u belofte,"

⁴²sodat ek my smader iets kan antwoord, want ek vertrou op u woord."

⁴³En onttrek die woord van waarheid nie geheel en al aan my mond nie, want op u verordeninge wag ek."

⁴⁴Dan wil ek u wet altyddeur onderhou, vir ewig en altyd,"

⁴⁵en in die ruimte wandel, want ek soek u bevele."

⁴⁶Ook wil ek voor konings van u getuienisse spreek en my nie skaam nie."

⁴⁷En ek wil my verlustig in u gebooie wat ek liefhet,"

⁴⁸en my hande ophef na u gebooie wat ek liefhet, en u insettinge oordink."

⁴⁹Sajin. Gedenk die woord aan u kneg, omdat U my laat hoop het."

⁵⁰Dit is my troos in my ellende, dat u belofte my lewend maak."

⁵¹Vermeteles het baie met my gespot; van u wet het ek nie afgewyk nie."

⁵²Ek het gedink, o HERE, aan u oordele van ouds, en ek het my getroos."

⁵³Toorngloed het my aangegryp vanweë die goddelose wat u wet verlaat."

⁵⁴U insettinge was gesange vir my in die huis van my vreemdelingskap."

⁵⁵HERE, in die nag het ek gedink aan u Naam, en ek het u wet onderhou."

⁵⁶Dit het my deel geword, omdat ek u bevele bewaar het."

⁵⁷Get. Die HERE is my deel; ek het gesê dat ek u woorde sal bewaar."

⁵⁸Ek het U van ganser harte om genade gesmeek; wees my genadig volgens u belofte."

⁵⁹Ek het my weë oordink en my voete laat teruggaan na u getuienisse."

⁶⁰Ek het my gehaas, en nie getalm nie, om u gebooie te onderhou."

⁶¹Die strikke van die goddelose het my omring; u wet het ek nie vergeet nie."

⁶²Middernag staan ek op om U te loof vir u regverdige verordeninge."

⁶³Ek is ‘n metgesel van almal wat U vrees, en van die wat u bevele onderhou."

⁶⁴HERE, die aarde is vol van u goedertierenheid; leer my u insettinge."

⁶⁵Tet. U het goed gedoen aan u kneg, HERE, na u woord."

⁶⁶Leer my ‘n goeie insig en kennis, want ek glo aan u gebooie."

⁶⁷Voordat ek verdruk was, het ek gedwaal; maar nou onderhou ek u woord."

⁶⁸U is goed en doen goed; leer my u insettinge."

⁶⁹Vermeteles het my leuens toegedig; maar ék bewaar van ganser harte u bevele."

⁷⁰Hulle hart is ongevoelig soos vet; maar ék verlustig my in u wet."

⁷¹Dit is goed vir my dat ek verdruk was, sodat ek u insettinge sou leer."

⁷²Die wet van u mond is vir my beter as duisende stukke goud en silwer."

⁷³Jod. U hande het my gemaak en my toeberei; maak my verstandig, dat ek u gebooie kan leer."

⁷⁴Die wat U vrees, sien my, en hulle is bly; want op u woord wag ek."

⁷⁵Ek weet, HERE, dat u oordele regverdig is en dat U my uit getrouheid verdruk het."

⁷⁶Laat tog u goedertierenheid wees om my te troos volgens u belofte aan u kneg."

⁷⁷Laat u barmhartighede oor my kom, dat ek kan lewe; want u wet is my verlustiging."

⁷⁸Laat die vermeteles beskaamd staan, omdat hulle sonder oorsaak my onregverdig behandel het; maar ék oordink u bevele."

⁷⁹Laat die wat U vrees, na my terugkeer, en die wat u getuienisse ken."

⁸⁰Laat my hart opreg wees in u insettinge, sodat ek nie beskaamd hoef te staan nie."

⁸¹Kaf. My siel smag na u heil; op u woord wag ek."

⁸²My oë smag na u belofte en sê: Wanneer sal U my vertroos?"

⁸³Want ek het geword soos ‘n leersak in die rook; u insettinge het ek nie vergeet nie."

⁸⁴Hoeveel sal die dae van u kneg wees? Wanneer sal U gerig oefen onder my vervolgers?"

⁸⁵Vermeteles het vir my kuile gegrawe, hulle wat nie lewe na u wet nie."

⁸⁶Al u gebooie is waarheid; hulle vervolg my sonder oorsaak; help my!"

⁸⁷Hulle het my amper vernietig op die aarde; maar ék het u bevele nie verlaat nie."

⁸⁸Maak my lewend na u goedertierenheid, dat ek die getuienis van u mond kan onderhou."

⁸⁹Lamed. Vir ewig, o HERE, staan u woord vas in die hemele."

⁹⁰U trou is van geslag tot geslag; U het die aarde bevestig, en dit bly staan."

⁹¹Volgens u verordeninge bly hulle vandag nog staan, want alle dinge is u knegte."

⁹²As u wet nie my verlustiging was nie, dan het ek omgekom in my ellende."

⁹³Ek sal u bevele tot in ewigheid nie vergeet nie, want deur hulle het U my lewend gemaak."

⁹⁴Aan U behoort ek: verlos my, want ek soek u bevele."

⁹⁵Die goddelose lê en wag op my, om my om te bring; ek gee ag op u getuienisse."

⁹⁶Aan alle volmaaktheid het ek ‘n einde gesien, maar u gebod is baie wyd."

⁹⁷Mem. Hoe lief het ek u wet; dit is my bepeinsing die hele dag."

⁹⁸U gebooie maak my wyser as my vyande, want hulle is myne vir ewig."

⁹⁹Ek is verstandiger as al my leermeesters, want u getuienisse is my bepeinsing."

¹⁰⁰Ek het meer verstand as die ou mense, want ek bewaar u bevele."

¹⁰¹Ek het my voete teruggehou van elke verkeerde pad, dat ek u woord kan bewaar."

¹⁰²Ek het van u verordeninge nie afgewyk nie, want U het my geleer."

¹⁰³Hoe soet is u beloftes vir my verhemelte, meer as heuning vir my mond."

¹⁰⁴Uit u bevele kry ek verstand; daarom haat ek elke leuenpad."

¹⁰⁵Noen. U woord is ‘n lamp vir my voet en ‘n lig vir my pad."

¹⁰⁶Ek het gesweer, en dit gehou, om u regverdige verordeninge te onderhou."

¹⁰⁷Ek is baie diep neergedruk; HERE, maak my lewend na u woord!"

¹⁰⁸Laat tog die vrywillige offerandes van my mond U behaag, o HERE, en leer my u verordeninge."

¹⁰⁹My lewe is altyddeur in my hand; nogtans vergeet ek u wet nie."

¹¹⁰Die goddelose het vir my ‘n vangnet gespan; nogtans het ek van u bevele nie afgedwaal nie."

¹¹¹Ek het u getuienisse vir ewig as erfdeel ontvang, want hulle is die vreugde van my hart."

¹¹²Ek het my hart geneig, om u insettinge te betrag, vir ewig, tot die einde toe."

¹¹³Samek. Twyfelaars haat ek, maar u wet het ek lief."

¹¹⁴U is my skuilplek en my skild; op u woord wag ek."

¹¹⁵Gaan weg van my, kwaaddoeners, dat ek die gebooie van my God kan bewaar!"

¹¹⁶Ondersteun my volgens u belofte, dat ek kan lewe; en maak my nie beskaamd vanweë my hoop nie."

¹¹⁷Steun my, dat ek verlos word; dan sal ek altyddeur op u insettinge let."

¹¹⁸U verag almal wat van u insettinge afdwaal, want hulle bedrieëry is leuens."

¹¹⁹U ruim al die goddelose van die aarde weg soos skuim; daarom het ek u getuienisse lief."

¹²⁰My vlees sidder van skrik vir U, en ek vrees vir u oordele."

¹²¹Ajin. Ek het reg en geregtigheid gedoen: gee my nie oor aan my verdrukkers nie."

¹²²Wees borg vir u kneg ten goede; laat vermeteles my nie verdruk nie."

¹²³My oë smag na u heil en na die belofte van u geregtigheid."

¹²⁴Handel met u kneg na u goedertierenheid, en leer my u insettinge."

¹²⁵Ek is u kneg; maak my verstandig, dat ek u getuienisse kan ken."

¹²⁶Dit is tyd vir die HERE om te handel: hulle het u wet verbreek."

¹²⁷Daarom het ek u gebooie lief, meer as goud, ja, as baie fyn goud."

¹²⁸Daarom hou ek al die bevele aangaande alles vir reg; elke leuenpad haat ek."

¹²⁹Pe. U getuienisse is wonderbaar; daarom bewaar my siel hulle."

¹³⁰Die opening van u woorde gee lig; dit maak die eenvoudiges verstandig."

¹³¹Ek maak my mond wyd oop en hyg, want na u gebooie verlang ek."

¹³²Wend U tot my en wees my genadig volgens die reg van die wat u Naam liefhet."

¹³³Maak my voetstappe vas in u woord, en laat geen ongeregtigheid oor my heers nie."

¹³⁴Verlos my van die mens se verdrukking, sodat ek u bevele kan onderhou."

¹³⁵Laat u aangesig skyn oor u kneg, en leer my u insettinge."

¹³⁶My oë loop af in strome van water, omdat hulle u wet nie onderhou nie."

¹³⁷Sade. HERE, U is regverdig, en reg is u verordeninge."

¹³⁸In geregtigheid het U u getuienisse beveel en in louter trou."

¹³⁹My ywer verteer my, omdat my teëstanders u woorde vergeet het."

¹⁴⁰U woord is deur en deur gelouter, en u kneg het dit lief."

¹⁴¹Ek is klein en verag, maar u bevele vergeet ek nie."

¹⁴²U geregtigheid is geregtigheid tot in ewigheid, en u wet is waarheid."

¹⁴³Benoudheid en angs het my getref, maar u gebooie is my verlustiging."

¹⁴⁴U getuienisse is geregtigheid tot in ewigheid; maak my verstandig, dat ek kan lewe."

¹⁴⁵Kof. Ek het geroep van ganser harte; verhoor my, o HERE! Ek wil u insettinge bewaar."

¹⁴⁶Ek het U aangeroep; verlos my, dat ek u getuienisse kan onderhou."

¹⁴⁷Voor die môreskemering roep ek om hulp; op u woord wag ek."

¹⁴⁸My oë is die nagwake voor om u woord te oordink."

¹⁴⁹Hoor my stem na u goedertierenheid; o HERE, maak my lewend volgens u verordeninge."

¹⁵⁰Hulle kom nader wat skandelike dade najaag, hulle wat ver van u wet af is."

¹⁵¹U, o HERE, is naby, en al u gebooie is waarheid."

¹⁵²Lankal het ek geweet uit u getuienisse dat U hulle vir ewig gegrond het."

¹⁵³Resj. Sien my ellende aan en red my, want u wet vergeet ek nie."

¹⁵⁴Verdedig my regsaak en verlos my; maak my lewend volgens u belofte."

¹⁵⁵Die heil is ver van die goddelose, want hulle soek u insettinge nie."

¹⁵⁶HERE, u barmhartighede is menigvuldig; maak my lewend volgens u verordeninge."

¹⁵⁷My vervolgers en my teëstanders is talryk; van u getuienisse wyk ek nie af nie."

¹⁵⁸Ek het diegene gesien wat troueloos handel, en dit het my gewalg dat hulle u woord nie onderhou nie."

¹⁵⁹Aanskou dat ek u bevele liefhet; o HERE, maak my lewend na u goedertierenheid."

¹⁶⁰Die hele inhoud van u woord is waarheid, en al u regverdige verordeninge is tot in ewigheid."

¹⁶¹Sin, Sjin. Vorste het my sonder oorsaak vervolg, maar my hart vrees vir u woord."

¹⁶²Ek is vrolik oor u belofte soos een wat ‘n groot buit vind."

¹⁶³Leuens haat ek en het daar ‘n afsku van; u wet het ek lief."

¹⁶⁴Ek loof u sewe maal elke dag oor u regverdige verordeninge."

¹⁶⁵Die wat u wet liefhet, het groot vrede, en vir hulle is daar geen struikelblok nie."

¹⁶⁶o HERE, ek hoop op u heil, en ek hou u gebooie."

¹⁶⁷My siel onderhou u getuienisse, en ek het hulle baie lief."

¹⁶⁸Ek onderhou u bevele en u getuienisse, want al my weë is voor U."

¹⁶⁹Tau. o HERE, laat my smeking nader kom voor u aangesig; maak my verstandig volgens u woord."

¹⁷⁰Laat my smeking voor u aangesig kom; red my volgens u belofte."

¹⁷¹My lippe sal lofsange laat uitstroom, want U leer my u insettinge."

¹⁷²My tong sal u woord besing, want al u gebooie is geregtigheid."

¹⁷³Laat u hand my tot hulp wees, want ek het u bevele verkies."

¹⁷⁴o HERE, ek verlang na u heil, en u wet is my verlustiging."

¹⁷⁵Laat my siel lewe, dat dit U kan loof; en laat u gerigte my help."

¹⁷⁶Ek het gedwaal soos ‘n verlore skaap; soek u kneg, want u gebooie vergeet ek nie."