The Way of the Righteous

¹Ubusisiwe umuntu ongahambi ngeziluleko zababi, ongemi endleleni yezoni, ongahlali enkundleni yabaklolodayo,

²kepha okuthokoza kwakhe kusemthethweni kaJehova, ozindla ngomthetho wakhe imini nobusuku.

³Unjengomuthi otshaliwe ngasemifuleni yamanzi, othela isithelo sawo ngesikhathi sawo, oqabunga lawo lingabuni, nakho konke akwenzayo uyakuba nenhlanhla kukho.

⁴Ababi abanjalo, kepha banjengamakhoba aphephethwa ngumoya.

⁵Ngalokho ababi abayikuma ekwahlulelweni, nezoni ebandleni labalungileyo.

⁶Ngokuba uJehova uyayazi indlela yabalungileyo, kodwa indlela yababi yobhubha.