Israel's Journeys

¹Nanka amabanga ohambo lwabantwana bakwa-Israyeli abaphuma ngawo ezweni laseGibithe ngamabandla abo phansi kwesandla sikaMose nesika-Aroni.

²UMose waloba ngokuhamba kwabo ngamabanga abo ngesiyalezo sikaJehova; nanka amabanga abo njengokuhamba kwabo.

³Basuka eRamsesi ngenyanga yokuqala ngosuku lweshumi nanhlanu lwenyanga yokuqala; ngolwangakusasa emva kwephasika abantwana bakwa-Israyeli baphuma ngesandla esiphakemeyo emehlweni abo bonke abaseGibithe,

⁴abaseGibithe besembela onke amazibulo abo abulawa kubo nguJehova, uJehova ebahlulele nawonkulunkulu babo.

⁵Abantwana bakwa-Israyeli basuka-ke eRamsesi, bamisa eSukoti.

⁶Basuka eSukoti, bamisa e-Etamu eliseceleni kwehlane.

⁷Basuka e-Etamu, babuyela ePhi Hahiroti elingaphambi kweBali Sefoni; bamisa phambi kweMigidoli.

⁸Basuka eHahiroti, badabula phakathi kolwandle, baya ehlane, bahamba ibanga lezinsuku ezintathu ehlane lase-Etamu, bamisa eMara.

⁹Basuka eMara, bafika e-Elimi; e-Elimi kwakukhona imithombo eyishumi nambili yamanzi namasundu angamashumi ayisikhombisa; bamisa khona.

¹⁰Basuka e-Elimi, bamisa ngaseLwandle Olubomvu.

¹¹Basuka eLwandle oluBomvu, bamisa ehlane laseSini.

¹²Basuka ehlane laseSini, bamisa eDofika.

¹³Basuka eDofika, bamisa e-Alushi.

¹⁴Basuka e-Alushi, bamisa eRefidimi, lapho kwakungekho manzi khona ukuba abantu baphuze.

¹⁵Basuka eRefidimi, bamisa ehlane laseSinayi.

¹⁶Basuka ehlane laseSinayi, bamisa eKibiroti Hathawa.

¹⁷Basuka eKibiroti Hathawa, bamisa eHaseroti.

¹⁸Basuka eHaseroti, bamisa eRitima.

¹⁹Basuka eRitima, bamisa eRimoni Pheresi.

²⁰Basuka eRimoni Pheresi, bamisa eLibina.

²¹Basuka eLibina, bamisa eRisa.

²²Basuka eRisa, bamisa eKehelatha.

²³Basuka eKehelatha, bamisa entabeni yaseSheferi.

²⁴Basuka entabeni yaseSheferi, bamisa eHarada.

²⁵Basuka eHarada, bamisa eMakeloti.

²⁶Basuka eMakeloti, bamisa eTahati.

²⁷Basuka eTahati, bamisa eThera.

²⁸Basuka eThera, bamisa eMitika.

²⁹Basuka eMitika, bamisa eHashimona.

³⁰Basuka eHashimona, bamisa eMoseroti.

³¹Basuka eMoseroti, bamisa eBene Jahakani.

³²Basuka eBene Jahakani, bamisa eHori Hagidigadi.

³³Basuka eHori Hagidigadi, bamisa eJothabata.

³⁴Basuka eJothabata, bamisa e-Abrona.

³⁵Basuka e-Abrona, bamisa e-Esiyoni Geberi.

³⁶Basuka e-Esiyoni Geberi, bamisa ehlane laseSini eliyiKadeshi.

³⁷Basuka eKadeshi, bamisa entabeni yaseHori eceleni kwezwe lakwa-Edomi.

³⁸U-Aroni umpristi wakhuphukela entabeni yaseHori ngesiyalezo sikaJehova, wafela khona ngomnyaka wamashumi amane emva kokuphuma kwabantwana bakwa-Israyeli ezweni laseGibithe, ngenyanga yesihlanu ngolokuqala lwenyanga.

³⁹U-Aroni wayeneminyaka eyikhulu namashumi amabili nantathu mhla efela entabeni yaseHori.

⁴⁰UmKhanani, inkosi yase-Aradi, owahlala eningizimu ezweni laseKhanani, wezwa ngokufika kwabantwana bakwa-Israyeli.

⁴¹Basuka entabeni yaseHori, bamisa eSalimona.

⁴²Basuka eSalimona, bamisa ePunoni.

⁴³Basuka ePunoni, bamisa e-Oboti.

⁴⁴Basuka e-Oboti, bamisa e-Iye Abarimi emkhawulweni wakwaMowabi.

⁴⁵Basuka e-Iyimi, bamisa eDiboniGadi.

⁴⁶Basuka eDiboni Gadi, bamisa e-Alimoni Dibilatayimi.

⁴⁷Basuka e-Alimoni Dibilatayimi, bamisa ezintabeni zase-Abarimi ngaphambi kweNebo.

⁴⁸Basuka ezintabeni zase-Abarimi, bamisa emathafeni akwaMowabi ngaseJordani ngaseJeriko.

⁴⁹Bamisa ngaseJordani kusukela eBeti Jeshimoti kuze kufike e-Abela Shithimi emathafeni akwaMowabi.

⁵⁰UJehova wakhuluma kuMose emathafeni akwaMowabi ngaseJordani ngaseJeriko, wathi:

⁵¹“Yisho kubantwana bakwa-Israyeli, uthi kubo: ‘Nxa niwela iJordani ukuba ningene ezweni laseKhanani,

⁵²niyakuxosha bonke abakhileyo ezweni phambi kwenu, nichithe yonke imifanekiso yabo, nibulale zonke izithombe zabo ezibunjiweyo, nibhidlize zonke izindawo zabo eziphakemeyo,

⁵³nidle ifa lezwe, nihlale kulo, ngokuba ngininikile izwe ukuba nilidle.

⁵⁴Niyakulidla izwe ngenkatho ngokwemindeni yakini, abaningi nibanike ifa elikhulu, nabayingcosana nibanike ifa elincane, nakuphi lapho inkatho imudla khona umuntu, kuzakuba ngelakhe; niyakulidla ifa ngokwezizwe zawoyihlo.

⁵⁵“ ‘Kepha uma ningaxoshi abantu bezwe phambi kwenu, labo enibashiyayo bayakuba njengezinkandi emehlweni enu nanjengameva ezinhlangothini zenu, banikhathaze ezweni enihlala kulo.

⁵⁶Kuyakuthi njengalokho bengithi ngiyakwenza kubo, ngenze njalo nakini.’ ”