Inheritance of Judah

¹Isabelo sesizwe sabantwana bakwaJuda ngemindeni yabo sasingasemkhawulweni wakwa-Edomi nasehlane laseSini ngaseningizimu, ngasekupheleni kweningizimu.

²Umkhawulo wabo waseningizimu wasuka ekupheleni koLwandle Lukasawoti, ethekwini elibheka ngaseningizimu,

³waphuma waya ngaseningizimu kommango wase-Akarabimi, wadlula waya eSini, wakhuphuka ngaseningizimu kwaseKadeshi Barineya, wadlula ngaseHesironi, wenyukela e-Adari, wajika waya eKaraka;

⁴wadlula waya e-Asimoni, waya emfuleni waseGibithe; ukuphuma komkhawulo kwakungaselwandle; lowo uyakuba ngumkhawulo wenu waseningizimu.

⁵Umkhawulo wasempumalanga wawuluLwandle Lukasawoti kuze kufike ekugcineni kweJordani. Umkhawulo wasohlangothini lwasenyakatho wasuka ethekwini lolwandle ngasekugcineni kweJordani;

⁶umkhawulo wenyukela eBeti Hogila, wadlula ngasenyakatho kweBeti Araba; umkhawulo wakhuphukela etsheni likaBohanu indodana kaRubeni;

⁷umkhawulo wenyukela eDebiri usuka esigodini sase-Akori ngasenyakatho, ubheka ngaseGiligali elibhekana nommango wase-Adumimi elingaseningizimu komfula; umkhawulo wawusudlula, waya emanzini asemthonjeni waseShemeshi; ukuphuma kwawo kwakungasemthonjeni waseRogeli;

⁸wawusukhuphuka umkhawulo esigodini sendodana kaHinomu ngaseceleni kweJebusi ngaseningizimu, eliyiJerusalema; umkhawulo wenyukela esiqongweni sentaba engaphambi kwesigodi sikaHinomu ngasentshonalanga ngasekugcineni kwesigodi samaRefa ngasenyakatho;

⁹umkhawulo wawususuka esiqongweni sentaba, waya emthonjeni wamanzi aseNefitowa, waphuma waya emizini yasentabeni yase-Efroni; umkhawulo wasuka waya eBahala eliyiKiriyati Jeharimi;

¹⁰umkhawulo wajika usuka eBahala ngasentshonalanga, waya entabeni yaseSeyiri, wadlula waya eceleni kwentaba yaseJeharimi ngasenyakatho, eliyiKesaloni, wehlela eBeti Shemeshi, wadlula ngaseThimna;

¹¹umkhawulo wawusuphuma, waya eceleni kwe-Ekroni ngasenyakatho; umkhawulo wasuka waya eShikeroni, wadlula waya entabeni yaseBahala, waphuma eJabineyeli; ukuphuma komkhawulo kwakuselwandle.

¹²Umkhawulo wasentshonalanga wawuluLwandle Olukhulu nogu lwalo. Lokho kungumkhawulo wabantwana bakwaJuda nxazonke ngemindeni yabo.

¹³Wamnika uKalebi indodana kaJefune isabelo phakathi kwabantwana bakwaJuda njengesiyalezo sikaJehova kuJoshuwa, umuzi ka-Araba uyise ka-Anaki, oyiHebroni.

¹⁴UKalebi waxosha khona amadodana amathathu ka-Anaki, oSheshayi, no-Ahimani, noTalimayi, abantwana bakwa-Anaki.

¹⁵Wasuka lapho, wenyukela kwabakhileyo eDebiri; igama leDebiri laliyiKiriyati Seferi kuqala.

¹⁶UKalebi wathi: “Onqoba iKiriyati Seferi, alithathe, yena ngiyakumnika u-Akisa indodakazi yami abe ngumkakhe.”

¹⁷U-Otheniyeli indodana kaKenazi umfowabo kaKalebi walithatha; wayesemnika u-Akisa indodakazi yakhe abe ngumkakhe.

¹⁸Kwathi ekufikeni kwakhe wamnxusa ukuba acele insimu kuyise; wehla embongolweni yakhe; uKalebi wathi kuye: “Ukhala ngani?”

¹⁹Wathi: “Ngiphe isipho; lokhu unginike izwe laseningizimu, ngiphe nemithombo yamanzi.” Wamupha imithombo yasenhla nemithombo yasenzansi.

²⁰Leli liyifa lesizwe sabantwana bakwaJuda ngemindeni yabo.

²¹Imizi esekupheleni kwesizwe sabantwana bakwaJuda ngasemkhawulweni wakwa-Edomi ngaseningizimu yayiyiKabiseyeli, ne-Edere, neJaguri,

²²neKina, neDimona, ne-Adada,

²³neKedeshi, neHasori, ne-Itinani,

²⁴neZifi, neTeleme, neBehaloti,

²⁵neHasori Hadatha, neKeriyote Hesironi eliyiHasori,

²⁶ne-Amamu, neShema, neMolada,

²⁷neHasari Gada, neHeshimoni, neBeti Pheleti,

²⁸neHasari Shuwali, neBeri Sheba, neBiziyotiya,

²⁹neBahala, ne-Ijimi, ne-Eseme,

³⁰ne-Elitoladi, neKesili, neHorma,

³¹neSikilagi, neMadimana, neSanisana,

³²neLebawoti, neShilehimi, ne-Ayini, neRimoni, yonke imizi ingamashumi amabili nesishiyagalolunye nemizana yayo.

³³Emathafeni: i-Eshitawoli, neSora, ne-Ashina,

³⁴neZanowa, ne-Eni Ganimi, neTaphuwa, ne-Enamu,

³⁵neJarimuthi, ne-Adulamu, neSoko, ne-Azeka,

³⁶neShaharayimi, ne-Aditayimi, neGedera, neGederotayimi, imizi iyishumi nane nemizana yayo.

³⁷ISenani, neHadasha, neMigidali Gadi,

³⁸neDilani, neMispa, neJokiteyeli,

³⁹neLakishi, neBosikati, ne-Egiloni,

⁴⁰neKaboni, neLahimamu, neKitilishi,

⁴¹neGederoti, neBeti Dagoni, neNahama, neMakheda, imizi iyishumi nesithupha nemizana yayo.

⁴²ILibina, ne-Etere, ne-Ashani,

⁴³neJifita, ne-Ashina, neNesibe,

⁴⁴neKeyila, ne-Akizibi, neMaresha, imizi iyisishiyagalolunye nemizana yayo.

⁴⁵I-Ekroni nemizi yalo nemizana yalo;

⁴⁶kusukela e-Ekroni kuze kufike elwandle, yonke eyayiseceleni kwe-Ashidodi nemizana yayo.

⁴⁷I-Ashidodi nemizi yalo nemizana yalo; iGaza nemizi yalo nemizana yalo, kuze kufike emfuleni waseGibithe, naseLwandle Olukhulu nogu lwalo.

⁴⁸Ezintabeni: iShamiri, neJatiri, neSoko,

⁴⁹neDana, neKiriyati Sana eliyiDebiri,

⁵⁰ne-Anabi, ne-Eshitemo, ne-Animi,

⁵¹neGosheni, neHoloni, neGilo, imizi iyishumi nanye nemizana yayo.

⁵²I-Araba, neDuma, ne-Eshani,

⁵³neJanimi, neBeti Taphuwa, ne-Afeka,

⁵⁴neHumitha, neKiriyati Araba eliyiHebroni, neSiyori, imizi iyisishiyagalolunye nemizana yayo.

⁵⁵IMahoni, neKarmeli, neZifi, neJutha,

⁵⁶neJizreyeli, neJokideyamu, neZanowa,

⁵⁷neKayini, neGibeya, neThimna, imizi iyishumi nemizana yayo.

⁵⁸IHalihuli, neBeti Suri, neGedori,

⁵⁹neMaharati, neBeti Anoti, ne-Elitekoni, imizi iyisithupha nemizana yayo.

⁶⁰IKiriyati Bali eliyiKiriyati Jeharimi, neRaba, imizi mibili nemizana yayo.

⁶¹Ehlane: iBeti Araba, neMidini, neSekaka,

⁶²neNibishani, noMuzi kaSawoti, ne-Eni Gedi, imizi iyisithupha nemizana yayo.

⁶³AmaJebusi ayakhe eJerusalema abantwana bakwaJuda babengenakuwaxosha, kepha amaJebusi ahlala nabantwana bakwaJuda eJerusalema kuze kube namuhla.