Divisions of the Priests

¹Nazi izigaba zamadodana ka-Aroni: amadodana ka-Aroni: ngoNadabi, no-Abihu, no-Eleyazare, no-Itamari.

²Kepha oNadabi no-Abihu bandulela uyise ukufa, bengenabantwana; ngalokho o-Eleyazare no-Itamari kuphela babe ngabapristi.

³ODavide, noSadoki wamadodana ka-Eleyazare, no-Ahimeleki wamadodana ka-Itamari babahlukanisa ngezigaba zabo njengenkonzo yabo.

⁴Kwafunyaniswa emadodaneni ka-Eleyazare amadoda amaningi ayizinhloko kunasemadodaneni ka-Itamari; bahlukaniswa kanje: emadodaneni ka-Eleyazare kwakukhona abayishumi nesithupha abayizinhloko zezindlu zawoyise, nasemadodaneni ka-Itamari babe yisishiyagalombili njengezindlu zawoyise.

⁵Bahlukaniswa ngenkatho, laba nalaba, ngokuba kwakukhona izikhulu zendlu engcwele nezikhulu zikaNkulunkulu emadodaneni ka-Eleyazare nasemadodaneni ka-Itamari.

⁶UShemaya, indodana kaNethaneli, umbhali ongowamaLevi, wabaloba phambi kwenkosi, nezikhulu, noSadoki, nezikhulu, noSadoki umpristi, no-Ahimeleki indodana ka-Abiyathara, nezinhloko zawoyise babapristi namaLevi; enye indlu yawoyise yakhishelwa u-Eleyazare, nenye yakhishelwa u-Itamari.

⁷Inkatho yokuqala yadla uJehoyaribi, neyesibili uJedaya,

⁸neyesithathu uHarimi, neyesine uSehorimi,

⁹neyesihlanu uMalikhiya, neyesithupha uMijamini,

¹⁰neyesikhombisa uHakhosi, neyesishiyagalombili u-Abiya,

¹¹neyesishiyagalolunye uJeshuwa, neyeshumi uShekaniya,

¹²neyeshumi nanye u-Eliyashibi, neyeshumi nambili uJakimi,

¹³neyeshumi nantathu uHupha, neyeshumi nane uJeshebeyabe,

¹⁴neyeshumi nanhlanu uBiliga, neyeshumi nesithupha u-Imeri,

¹⁵neyeshumi nesikhombisa uHeziri, neyeshumi nesishiyagalombili uHaphisesi,

¹⁶neyeshumi nesishiyagalolunye uPhethahiya, neyamashumi amabili uJehezekeli,

¹⁷neyamashumi amabili nanye uJakini, neyamashumi amabili nambili uGamuli,

¹⁸neyamashumi amabili nantathu uDelaya, neyamashumi amabili nane uMahaziya.

¹⁹Lezo zaziyizigaba zabo njengenkonzo yabo ukuba bangene endlini kaJehova njengomthetho ababewunikwe ngesandla sika-Aroni uyise, njengalokho uJehova uNkulunkulu ka-Israyeli ebemyalile.

²⁰Abaseleyo emadodaneni kaLevi babe yilaba: emadodaneni ka-Amramu nguShubayeli; emadodaneni kaShubayeli nguJehedeya.

²¹KuRehabiya: emadodaneni kaRehabiya: nguJishiya inhloko.

²²KumaJisihari: nguShelomoti; emadodaneni kaShelomoti: nguJahati.

²³Amadodana kaHebroni: nguJeriya inhloko, no-Amariya owesibili, noJahaziyeli owesithathu, noJekameyamu owesine.

²⁴Amadodana ka-Uziyeli: nguMika; emadodaneni kaMika: nguShamiri.

²⁵Umfowabo kaMika: nguJishiya; emadodaneni kaJishiya: nguZakariya.

²⁶Amadodana kaMerari: ngoMaheli noMushi; amadodana kaJahaziya: nguBeno.

²⁷Amadodana kaMerari: ngoJahaziya, noBeno, noShohamu, noZakuri, no-Ibiri.

²⁸KuMaheli: ngu-Eleyazare, owayengenabantwana.

²⁹KuKishi, kungamadodana kaKishi: nguJerameli.

³⁰Amadodana kaMushi: ngoMaheli, no-Edere, noJerimoti. Yilabo ababe ngamadodana amaLevi ngezindlu zawoyise.

³¹Nalabo benza inkatho njengabafowabo, amadodana ka-Aroni, ebusweni bukaDavide inkosi, noSadoki, no-Ahimeleki, nezinhloko zawoyise babapristi namaLevi, inhloko yawoyise njengomfowabo omncane.