Restoration of Israel

¹Ke tlišitše komelelo lefaseng, dithabeng, mabeleng, beineng e mpsha, makhureng le go tšeo naga e tla di medišago, bathong, diruiweng le medirong ka moka ya diatla.’”"

²Serubabele morwa wa Shealatiele le Joshua morwa wa Jehosadaka moperisita yo a phagamego gotee le mašaledi ka moka a setšhaba ba theetša lentšu la Jehofa Modimo wa bona le mantšu a moporofeta Hagai, go ya kamoo Jehofa Modimo wa bona a bego a mo laetše; ka baka leo batho ba boifa Jehofa."

³Hagai motseta wa Jehofa a botša setšhaba go ya kamoo Jehofa a mo laetšego ka gona, a re: “‘Ke na le lena,’ o re’alo Jehofa.”"

⁴Jehofa a tsoša Serubabele morwa wa Shealatiele mmuši wa Juda le Joshua morwa wa Jehosadaka moperisita yo a phagamego gotee le mašaledi ka moka a setšhaba; ba tla ntlong ya Jehofa wa madira Modimo wa bona gomme ba šoma."

⁵E be e le letšatšing la masomepedi-nne la kgwedi ya botshelela ngwageng wa bobedi wa pušo ya kgoši Dario."

⁶Ka kgwedi ya bošupa, letšatšing la masomepedi-tee, lentšu la Jehofa le tlile ka moporofeta Hagai, la re:"

⁷“Hle botša Serubabele morwa wa Shealatiele, mmuši wa Juda le Joshua morwa wa Jehosadaka moperisita yo a phagamego gotee le mašaledi a setšhaba, o re:"

⁸‘Go šetše mang mo gare ga lena yo a bonego ntlo ye ka letago la yona la pele? Ga bjale le e bona e le bjang? Na ge le e bapiša, ga le e bone e se selo?’"

⁹“‘Bjale tia matla wena Serubabele,’ o re’alo Jehofa, ‘le wena Joshua morwa wa Jehosadaka moperisita yo a phagamego, tia matla.’ “‘Tiang matla lena batho ka moka ba naga,’ o re’alo Jehofa, ‘gomme le šome.’ “‘Gobane ke na le lena,’ o re’alo Jehofa wa madira."

¹⁰‘Gopolang seo ke dirilego kgwerano le lena ka sona ge le be le etšwa Egipita, ge moya wa ka o be o le gare ga lena. Le se ke la tšhoga.’”"

¹¹“Se ke seo Jehofa wa madira a se boletšego: ‘Go šetše lebakanyana feela—ke mo ke tlago go šišinya magodimo le lefase le lewatle gotee le naga e omilego.’"

¹²“‘Ke tla šišinya ditšhaba ka moka gomme matsaka a ditšhaba ka moka a tla tla; ke tla tlatša ntlo ye ka letago,’ go boletše Jehofa wa madira."

¹³“‘Silifera ke ya ka le gauta ke ya ka,’ o re’alo Jehofa wa madira."

¹⁴“‘Letago la ntlo ye ya bjale e tla ba le legolo go feta la yela ya pele,’ go boletše Jehofa wa madira. “‘Ke tla tliša khutšo lefelong le,’ o re’alo Jehofa wa madira.”"

¹⁵Ka letšatši la masomepedi-nne la kgwedi ya senyane ngwageng wa bobedi wa pušo ya Dario, lentšu la Jehofa le tletše moporofeta Hagai, la re:"

¹⁶“Se ke seo Jehofa wa madira a se boletšego: ‘Hle botšiša baperisita mabapi le molao, o re:"

¹⁷“Ge motho a ka phuthela nama e kgethwa morumong wa seaparo sa gagwe gomme a kgwatha senkgwa goba setšhuu goba beine goba makhura goba sejo sa mohuta le ge e le ofe ka morumo wa seaparo sa gagwe, na e tla ba se sekgethwa?”’” Ke moka baperisita ba araba ba re: “Aowa!”"

¹⁸Hagai a re: “Ge e ba motho yo a šilafaditšwego ke go kgoma setopo a kgwatha se sengwe sa dilo tše, na se tla šilafala?” Baperisita ba buša ba araba ba re: “Se tla šilafala.”"

¹⁹Ke moka Hagai a araba a re: “‘Ke kamoo batho ba le setšhaba se ke ba bonago ba le ka gona,’ o re’alo Jehofa, ‘e bile le mediro ka moka ya diatla tša bona e bjalo gotee le dilo tšeo ba di tlišago moo. Di šilafetše.’"

²⁰“‘Bjale hle, šetšang se go tloga letšatšing le go ya pele, pele ga ge maswika a ka hlatlaganywa tempeleng ya Jehofa,"