Call to Repentance

¹Mohlang woo go tla thwe go Jerusalema: “Se boife, wena Tsione. O se ke wa nyema moko."

²Jehofa Modimo wa gago o na le wena. Ka ge e le Yo matla, o tla go phološa. O tla go thabela ka lethabo le legolo. O tla wišwa pelo ke go go bontšha lerato la gagwe. O tla go thabela ka go hlalala."

³“Bao ba nyamišitšwego ke go se be gona menyanyeng ya gago ke tla ba phutha; ba be ba se gona ka baka la kgobogo yeo ba e rwelego."

⁴Mohlang woo ke tla lefeletša bohle bao ba le hlakišago; ke tla phološa bao ba hlotšago le go phutha bao ba gašaganego. Le gona ke tla dira gore ba retwe le gore ba be le botumo bjo bobotse nageng ka moka yeo ba gobošitšwego go yona."

⁵Mohlang woo ke tla le goroša ka ba ka le kgoboketša. Ka gobane ke tla dira gore le be le botumo bjo bobotse le gore le retwe gare ga merafo ka moka ya lefase, ge ke buša mathopša a gabo lena le a lebeletše,” o re’alo Jehofa."

⁶Ka ngwaga wa bobedi wa pušo ya kgoši Dario, kgweding ya botshelela, letšatšing la pele la kgwedi, lentšu la Jehofa le tletše Serubabele morwa wa Shealatiele mmuši wa Juda le Joshua morwa wa Jehosadaka moperisita yo a phagamego ka moporofeta Hagai, la re:"

⁷“Se ke seo Jehofa wa madira a se boletšego: ‘Ge e le batho ba ba itše: “Nako ga sešo ya fihla, e lego nako ya gore ntlo ya Jehofa e agiwe.”’”"

⁸Lentšu la Jehofa la fela le etla ka moporofeta Hagai, le re:"

⁹“Na ye ke nako ya gore le dule dintlong tša lena tšeo di manegilwego ka mapolanka, mola ntlo ye e le lešope?"

¹⁰Bjale se ke seo Jehofa wa madira a se boletšego: ‘Šetšang ditsela tša lena."

¹¹Le bjetše peu e ntši, fela le bunne ganyenyane. Le a ja, fela ga le khore. Le a nwa, fela ga le kgotsofale. Le a apara, fela ga le ruthele; yo a šomago o šomela mokotleng wa mašoba.’”"

¹²“Se ke seo Jehofa wa madira a se boletšego: ‘Šetšang ditsela tša lena.’"

¹³“‘Rotogelang thabeng le boe le dikota. Ke moka le age ntlo ye gore ke e thabele le gore ke tagafatšwe,’ o re’alo Jehofa.”"

¹⁴“‘Le be le hutšitše tše ntši, eupša šefa ke tše nyenyane feela; le di tlišitše ntlong ye gomme nna ka di budula—ka baka la’ng?’ o re’alo Jehofa wa madira. ‘Ke ka baka la ntlo ya ka yeo le e hlokomologilego, mola yo mongwe le yo mongwe wa lena a emaemela ntlo ya gagwe."

¹⁵Ke lebaka leo magodimo a sa le nešetšego phoka gomme naga e gana go enywa."