Promise of Blessing for Jerusalem

¹Ke tla hlapetša ntlo ya ka gore go se be le yo a boaboago go yona; batho ba ka ba ka se sa šwahlelwa ke bagateledi, ka gobane bjale ke iponetše ka mahlo a ka."

²“Hlalala kudu wena morwedi wa Tsione. Hlaba mekgolokwane ya phenyo, wena morwedi wa Jerusalema. Bona! Kgoši ya gago e tla go wena. Ke yeo e lokilego, e bile e a phološa; e ikokobeditše gomme e nametše pokolo, yona pokolwana e nago le mmago yona."

³Ke tla fediša dikoloi tša ntwa Efuraime gotee le dipere Jerusalema. Mara a ntwa a tla robakanywa. O tla bolela khutšo ditšhabeng; pušo ya gagwe e tla tloga lewatleng le lengwe go ya go le lengwe le go tloga Nokeng go ya magomong a lefase."

⁴“Ge e le wena Tsione, ka madi a kgwerano ya ka le wena, ke tla ntšha bagolegwa ba gago moleteng o se nago meetse."

⁵“Boelang sebong sa lena, lena bagolegwa bao ba nago le kholofelo. “Le gona, lehono ke le botša gore: ‘Wena Tsione, ke tla go bušetša gabedi."

⁶Ka gobane ke tla koba Juda bjalo ka bora bja ka. Ke tla tsenya Efuraime e le mosebe boreng. Wena Tsione le wena Gerika, ke tla dira gore bana ba lena ba tsogelane matla gomme wena Tsione ke tla go dira tšhoša ya mogale.’"

⁷Jehofa o tla ipontšha a na le bona. Mosebe wa gagwe o tla tšwelela go etša legadima. Ge e le Mmuši Morena Jehofa o tla letša phalafala, a tšwa ka madimo a borwa."

⁸Jehofa wa madira o tla ba lwela gomme bona ba tla senya le go gatakela maswikana a diragamabje. Ba tla nwa, ba hlaba mašata bjalo ka ge eka ba nwele beine; ba tla tlala go etša moruswi le go etša dikhutlo tša aletare."

⁹“Mohlang woo Jehofa Modimo wa bona o tla ba phološa e le mohlape wa batho ba gagwe; ka gobane ba tla phadima nageng ya gagwe go etša maswikana a lego mphapahlogong."

¹⁰Go loka ga gagwe ke mo gogolo gakaakang gomme o botse kudu gakaakang! Masogana ona a tla nathišwa ke mabele gomme dikgarebe tša nathišwa ke beine e mpsha.”"

¹¹“Kgopelang Jehofa pula nakong ya pula ya seruthwane, yena Jehofa yo a hlomišago maru a dipula tša dikgadima le yo a nešetšago batho pula ya matlorotloro gomme a medišetša bohle dibjalo mašemong."

¹²Ka gobane ge e le medingwana ya lapa e boletše tša bonoge; dinoge tšona di bone dipono tša bofora, tša dulela go bolela ditoro tše di se nago mohola gomme tša katanela go homotša batho ka lefeela. Ke ka baka leo batho ba tlago go timela go etša mohlape; ba tla tlaišega ka gobane go se na modiši."

¹³“Bogale bja ka bo tukela badiši gomme ke tla sekiša baetapele ba gatelelago; ka gobane Jehofa wa madira o šeditše mohlape wa gagwe, e lego ba ntlo ya Juda gomme o ba dirile gore ba swane le pere ya gagwe e hlametšwego ntwa."

¹⁴Go bona go tšwa moetapele, gwa tšwa mmuši yo e lego mothuši le bora bja ntwa; go bona go tšwa balaodi ka moka, gomme ba ka moka ba tšwa go bona."

¹⁵Ba tla etša bagale ba gatakelago leraga mekgotheng ba le ntweng. Ba tla lwa ka gobane Jehofa o na le bona; banamedi ba dipere ba tla welwa ke dihlong."

¹⁶Ke tla matlafatša ba ntlo ya Juda gomme ka phološa ba ntlo ya Josefa. Ke tla ba bušetša nageng ya gabo bona ka ge ke tla ba gaugela; go tla ba bjalo ka ge eka ga se ka ka ka ba lahla; ka ge nna Jehofa ke le Modimo wa bona, ke tla ba kwa."

¹⁷Ba ntlo ya Efuraime ba tla etša bagale gomme dipelo tša bona di tla thaba bjalo ka ge eka ba nwele beine. Bana ba bona ba tla di bona gomme ba hlalala; dipelo tša bona di tla thabela Jehofa."

¹⁸“‘Ke tla ba leletša molodi ka ba kgobokanya; ke tla ba lopolla gomme ba tla ata go etša mola ba be ba atile."

¹⁹Ke tla ba gaša bjalo ka peu merafong gomme ba tla nkgopola ba le dinageng tša kgole; ba tla tsošološwa le bana ba bona gomme ba boa."

²⁰Ke tla ba buša nageng ya Egipita; ke tla ba kgoboketša ba etšwa nageng ya Asiria; ke tla ba bušetša nageng ya Gileada le ya Libanoni gomme naga e ka se ba lekane."

²¹Ge lewatle le thiba tsela ya bona, ke tla phatša go lona ka okobatša maphoto a lona. Ge Noka ya Nile e ba šitiša go tshela ke tla e gopiša. Boikgogomošo bja Baasiria bo tla kokobetšwa gomme molamo wa Egipita wa šuthišwa."

²²Nna Jehofa ke tla ba matlafatša gomme ba tla sepela leineng la ka,’ o re’alo Jehofa.”"

²³“Bula mejako ya gago, wena Libanoni, e le gore mollo o tšhume dihlare tša gago tša metsedara."