The Golden Lampstand

¹Ge e le koloi yeo e gogwago ke dipere tše ntsho e ya nageng ya ka leboa; ya tše tšhweu yona e ya ka bodikela; ge e le ya tše phaswa yona e ya nageng ya ka borwa."

²Ge e le dipere tše phaswa di swanetše go yo lekola lefase, e le gore di ralale le lona.” A re go tšona: “Ralalang le lefase.” Tša ralala le lefase."

³A nkgoeletša a re go nna: “Dipere tšeo di yago nageng ya ka leboa ke tšona di okobaditšego kgalefo ya Jehofa nageng ya ka leboa.”"

⁴Lentšu la Jehofa la ntlela, la re:"

⁵“Tšea meneelo e tšwago go mathopša, gaešita le e tšwago go Heledai, Tobija le Jedaya; le wena o tle ka lona letšatši leo, o tle ntlong ya Josia morwa wa Tsefanya gotee le ba bao ba tšwago Babilona."

⁶O tšee silifera le gauta o dire mphapahlogo o mogolo gomme o o rweše Joshua morwa wa Jehosadaka moperisita yo a phagamego."

⁷O re go yena: “‘Se ke seo Jehofa wa madira a se boletšego a re: “Yo ke motho yo leina la gagwe e lego Lehlogedi. O tla hloga mo a lego gona a aga tempele ya Jehofa."

⁸Yena o tla aga tempele ya Jehofa gomme a tagafatšwa; o tla dula sedulong sa gagwe sa bogoši a buša gomme a ba moperisita go sona, e bile mediro ya gagwe e ka se thulane."

⁹Mphapahlogo o mogolo o tla dula e le segopotšo tempeleng ya Jehofa go Helema, Tobija, Jedaya le go Hene morwa wa Tsefanya."

¹⁰Bao ba lego kgole ba tla tla ba tlo aga tempele ya Jehofa.” Lena le tla tseba gore Jehofa wa madira o nthomile go lena. Go tla ba bjalo—ge e ba ruri le theetša lentšu la Jehofa Modimo wa lena.’”"

¹¹Ka ngwaga wa bone wa pušo ya kgoši Dario lentšu la Jehofa la tlela Sakaria ka letšatši la bone la kgwedi ya senyane, e lego kgwedi ya Kisilefe."

¹²Batho ba Bethele ba roma Sharetsere le Regema-meleke gotee le banna ba gagwe gore ba yo kgopela go gaugelwa ke Jehofa,"

¹³le go botša baperisita ba lego ntlong ya Jehofa wa madira le baporofeta, ba re: “Na re tla fela re lla kgweding ya bohlano le go ikona dijo go etša ge re be re dira nywageng ye ka moka?”"

¹⁴Lentšu la Jehofa wa madira la ntlela, la re:"