Joshua the High Priest

¹Ka bona sekhurumelo sa ntikodiko sa morodi sa khurumologa gomme ka serotong go be go dutše mosadi."

²A re: “Yo ke Bokgopo.” Ke moka a mo katela ka serotong, ge a fetša a se khurumela ka sekhurumelo sa morodi."

³Ka tsoša mahlo ka lebelela, ka bona go etla basadi ba babedi bao ba bego ba akaletše moyeng. Diphego tša bona di be di etša tša mogolodi. Bona ba kukela seroto sebakabakeng."

⁴Ka re go morongwa yo a bego a bolela le nna: “Ba iša seroto seo kae?”"

⁵Yena a re go nna: “Ba yo agela mosadi yoo ntlo nageng ya Shineara; e tla re ge e fedile, o tla išwa gona moo a agetšwego gona.”"

⁶Ka buša ka tsoša mahlo ka lebelela; ka bona go etla dikoloi tše nne tše di tšwago magareng a dithaba tše pedi tša koporo."

⁷Koloi ya pele e be e gogwa ke dipere tše khulong; ya bobedi e gogwa ke dipere tše ntsho."

⁸Koloi ya boraro e be e gogwa ke dipere tše tšhweu; ya bone e gogwa ke dipere tše phaswa."

⁹Ka re go morongwa yo a bego a bolela le nna: “Mong’aka, tše ke eng?”"

¹⁰Ke moka morongwa a nkaraba a re: “Ye ke meoya e mene ya magodimong yeo e tlogago ka morago ga go ema pele ga Morena wa lefase ka moka."