The Bride Searches

¹Ge ke re phaphara, ke ile ka ipona ke le dikoloing tša batho ba gešo ba baithaopi.”"

²“Boa, boa wena Moshulami! Boa, boa re tle re go bone!” “Le bona’ng go Moshulami yo?” “Re bona selo se se swanago le dihlopha tše pedi tša babini!”"

³“Dikgato tša gago ke tše botse bjang ka gare ga diramphašane tša gago, wena morwedi yo a ithaopago! Sebopego sa dirope tša gago se etša sa dikgabiši, e lego modiro wa setsebi sa mošomo wa diatla."

⁴Mokhubo wa gago ke sebjana sa nkgokolo. Anke se se hloke beine e tswakilwego. Dimpa tša gago ke mokgobo wa korong, wo o dikologilwego ke matšoba a lili."

⁵Matswele a gago a mabedi a etša bana ba babedi ba tshepe, e lego mafahlana a tshepe ya tshadi."

⁶Molala wa gago o etša tora ya lenaka la tlou. Mahlo a gago a etša madiba a Heshibone ao a lego kgauswi le kgoro ya Batha-rabimi. Nko ya gago e etša tora ya Libanoni yeo e lebeletšego ka thoko ya Damaseko."

⁷Hlogo ya gago yeo e lego go wena e etša Karamele, gomme melogo ya hlogong ya gago e bjalo ka boya bjo bo tailwego ka mmala wa bophepolo bjo bohwibidu. Kgoši e tlemilwe ke meriri ya gago e metelele."

⁸O yo mobotsana e le ruri, o yo a kgahlišago e le ruri wena moratiwa, o bopegile go phala ba bangwe!"

⁹Leemo le la gago le etša mopalema gomme matswele a gago a etša mašihla a dienywa tša ditatlele."

¹⁰Ke itše: ‘Ke tla namela mopalema gore ke kge mašihla a dienywa tša ditatlele.’ Hle anke matswele a gago a be bjalo ka mašihla a morara gomme mohemo wa dinko tša gago o nkge bose bjalo ka diapola,"

¹¹ge e le magalagapa a gago a etše beine e di phalago tšohle,” “a etša beine yeo e thelelago melomong ya lesogana la ka ya tliša boroko bja ditoro tše dibose.”"

¹²“Nna ke wa lesogana la ka gomme le a ntlhologela."

¹³Etla wena lesogana la ka, a re ye nageng; a re dule gare ga dimela tša mehenna."

¹⁴A re tsoge e sa le ka masa re ye dirapeng tša merara, re yo bona ge e ba merara e hlogile, ge e ba matšoba a thuntše, le ge e ba megarenate e thuntše. Ge re le moo ke tla go bontšha kamoo ke go ratago ka gona."

¹⁵Ge e le didudaime di nkga bose gomme mejakong ya rena go na le mehuta ka moka ya dienywa tše di phalago tše dingwe ka moka. Wena moratiwa wa ka, ke go beetše dienywa tše di sa tšwago go fulwa le tša kgale."

¹⁶“A mola o ka be o le kgaetšediaka, o antše matswele a mma! Ke be ke tla re ge ke go hwetša ka ntle, ka go atla. Batho ba be ba ka se ntshole le gatee."