Ruth Marries Boaz

¹Wo e be e le motlwae wa mehleng e fetilego wa Isiraele mabapi le tshwanelo ya go rekolla le go ananya e le gore selo se sengwe le se sengwe se tiišwe: Monna o be a swanetše go rola ramphašane ya gagwe a e nee wa gabo. Se e be e le bohlatse Isiraeleng."

²Eitše ge morekolodi a re go Boase: “Ithekele yona,” yena a napa a rola ramphašane ya gagwe."

³Ke moka Boase a re go banna ba bagolo le go batho ka moka: “Lena lehono le dihlatse tša gore ke reka go Naomi dilo tšohle tšeo e bego e le tša Elimeleke le tšohle tšeo e bego e le tša Kilioni le Maglone."

⁴Ke bile ke ithekela le Ruthe mosadi wa Momoaba, mogatša Maglone, go ba mosadi wa ka gore ke tsošetše mohu leina bohweng bja gagwe le gore leina la mohu le se ke la hwelela gare ga bana babo le kgorong ya gabo. Lena le dihlatse lehono.”"

⁵Ge a re’alo batho ka moka bao ba bego ba le kgorong le banna ba bagolo ba re: “Re dihlatse! Eka Jehofa a ka dira gore mosadi yo a tlago ka ntlong ya gago a etše Ragele le Lea, bao bobedi bja bona ba agilego ntlo ya Isiraele; wena o be senatla Efurata, o be o itirele leina Betlelehema."

⁶Eka ntlo ya gago ka bana bao Jehofa a tlago go go nea bona ka mosadi yo yo mofsa e ka etša ya Peretse yo Thamara a mmelegetšego Juda.”"

⁷Ka gona Boase a tšea Ruthe ya ba mosadi wa gagwe gomme a robala le yena. Jehofa a dira gore a ime gomme a belega morwa."

⁸Basadi ba re go Naomi: “A go tumišwe Jehofa yo lehono a sa kago a go hlokiša morekolodi; e le gore leina la gagwe le tsebatšwe Isiraele."

⁹Ke yena a go tsošološago moyeng le yo a tlago go go hlokomela botšofading bja gago, ka ge o mmelegetšwe ke ngwetši ya gago yeo e go ratago, yeo wena o e ratago go feta barwa ba šupago.”"

¹⁰Ke moka Naomi a tšea ngwana yoo a mo gokarela sehubeng, a ba moledi wa gagwe."

¹¹Basadi ba baagišani ba re: “Naomi o belegetšwe morwa.” Ba mo rea leina ba re ke Obede. Ke yena tatago Jese yo e lego tatago Dafida."

¹²Meloko ya Peretse še: Peretse e bile tatago Hetserone;"

¹³Hetserone ya ba tatago Rame; Rame ya ba tatago Aminadaba;"

¹⁴Aminadaba ya ba tatago Nahashone; Nahashone ya ba tatago Salamone;"

¹⁵Salamone ya ba tatago Boase; Boase ya ba tatago Obede;"

¹⁶Obede ya ba tatago Jese; Jese yena ya ba tatago Dafida."

¹⁷Go be go na le monna yo mongwe wa Ramathaima-tsofima ya dithabeng tša Efuraime, yo leina la gagwe e bego e le Elikana, morwa wa Jerohama, morwa wa Elihu, morwa wa Tohu, morwa wa Tsufi, Moefuraime."

¹⁸O be a na le basadi ba babedi, yo mongwe leina la gagwe e be e le Hanna, yo mongwe e le Penina. Penina o be a na le bana, eupša Hanna yena a se na bona."

¹⁹Ngwaga o mongwe le o mongwe monna yo o be a tloga motseng wa gabo a rotogela Shilo go yo khunamela Jehofa wa madira le go mo direla sehlabelo. Barwa ba babedi ba Eli, e lego Hofini le Finease ba be ba le moo e le baperisita ba Jehofa."

²⁰Gwa tla letšatši leo Elikana a dirago sehlabelo ka lona, ke moka a nea Penina mosadi wa gagwe le barwa le barwedi ba Penina ka moka disola tša bona;"

²¹eupša Hanna a mo nea sesola setee. Lega go le bjalo, Elikana o be a rata Hanna kudu, fela Jehofa o be a mo hlokišitše bana."

²²Mogadikane wa Hanna o be a mo ješa di sa welego moo a ilego a tlalelwa kudu ka gobane Jehofa o be a mo hlokišitše bana."