Romans 16

¹Modimo o a botega, yena yo ka yena le bileditšwego segwereng le Morwa wa gagwe Jesu Kriste Morena wa rena."

²Bjale bana bešo, ke le kgothatša ka leina la Morena wa rena Jesu Kriste gore ka moka le bolele ka go dumelelana, le gore go se be le dikarogano gare ga lena, eupša gore le be batee ka mo go feletšego monaganong o swanago le tseleng e swanago ya go nagana."

³Bana bešo, ke ka gobane ba bangwe go tšwa lapeng la Klowe ba ntsebišitše gore go na le diphapano gare ga lena."

⁴Seo ke se bolelago se se, ke gore yo mongwe le yo mongwe wa lena o re: “Ke wa Paulo,” yo mongwe a re: “Nna ke wa Apollo,” yo mongwe a re: “Nna ke wa Kefase,” yo mongwe le yena a re: “Nna ke wa Kriste.”"

⁵Kriste o arogantšwe. Na Paulo ke yena a ilego a kokotelwa koteng bakeng sa lena? Goba na le kolobeditšwe leineng la Paulo?"

⁶Ke leboga ge ke se ka kolobetša le o tee wa lena ge e se Krispo le Gayo,"

⁷e le gore go se be le yo a ka bolelago gore le kolobeditšwe leineng la ka."

⁸Ee, ke kolobeditše le ba ntlo ya Stefanase. Ge e le ba bangwe ka moka ga ke tsebe ge e ba ke kolobeditše motho le ge e le ofe yo mongwe."

⁹Gobane Kriste ga se a nthomela gore ke tšame ke kolobetša, eupša o nthometše gore ke tšame ke bolela ditaba tše dibotse, le gona e sego ka bohlale bja polelo, e le gore kota ya tlhokofatšo ya Kriste e se ke ya dirwa e se nago mohola."

¹⁰Gobane go bolela ka kota ya tlhokofatšo ke bošilo go bao ba tlago go fedišwa, eupša go rena bao re phološwago ke matla a Modimo."

¹¹Gobane go ngwadilwe gwa thwe: “Ke tla dira gore bohlale bja dihlalefi bo fele gomme tlhaologanyo ya ba ba nago le tlhaologanyo ke tla e gana.”"

¹²O kae motho yo bohlale? O kae wa mangwalo? O kae wa go rata dingangišano tshepedišong ye ya dilo? Na Modimo ga se a dira bohlale bja lefase bošilo?"

¹³Gobane ka ge bohlaleng bja Modimo lefase ka bohlale bja lona le se la tseba Modimo, Modimo o bone go le botse gore ka bošilo bja seo se bolelwago a phološe bao ba dumelago."

¹⁴Gobane Bajuda ba nyaka dipontšho gomme Bagerika ba nyaka bohlale;"

¹⁵eupša re bolela ka Kriste yo a kokotetšwego koteng gomme seo go Bajuda ke kgopišo eupša go ditšhaba ke bošilo;"

¹⁶lega go le bjalo, go ba biditšwego, e lego Bajuda gotee le Bagerika, Kriste ke matla a Modimo le bohlale bja Modimo."

¹⁷Gobane selo seo e lego bošilo sa Modimo se bohlale go feta batho gomme selo se se fokolago sa Modimo se matla go feta batho."

¹⁸Gobane le a bona gore gare ga lena bao le biditšwego, bana bešo, ga se ba bantši ba lego bohlale ka tsela ya nama, ga se ba bantši ba matla, ga se ba bantši ba go tswalelwa bogošing;"

¹⁹eupša Modimo o kgethile dilo tša bošilo tša lefase gore a leše batho ba bohlale dihlong; le gona Modimo o kgethile dilo tše di fokolago tša lefase gore a leše dilo tše matla dihlong;"

²⁰le gona Modimo o kgethile dilo tše di nyatšegago tša lefase le dilo tšeo di tšeelwago fase, dilo tšeo di sego gona, gore a dire dilo tšeo di lego gona lefeela,"

²¹e le gore go se be le motho yoo a ka ikgantšhago mahlong a Modimo."

²²Eupša ke ka baka la gagwe ge le le boteeng le Kriste Jesu, yo go rena e bilego bohlale bjo bo tšwago go Modimo gotee le toko, go kgethagatšwa le go lokollwa ka topollo;"

²³gore go be bjalo ka ge go ngwadilwe gwa thwe: “Yo a ikgantšhago, a ikgantšhe ka Jehofa.”"

²⁴Ka gona bana bešo, ge ke be ke etla go lena e be e se ka go kgantšha polelo goba bohlale ge ke be ke le botša sephiri se sekgethwa sa Modimo."

²⁵Gobane ke kgethile go se tsebe selo gare ga lena ge e se Jesu Kriste, yena yo a ilego a kokotelwa koteng."

²⁶Le gona ge ke be ke etla go lena ke be ke fokola, ke boifa e bile ke thothomela o šoro;"

²⁷polelo ya ka le thero ya ka e be e se ka mantšu a tutuetšago a bohlale eupša ka pontšho ya moya le matla,"