Romans 15

¹Ntumedišetšeng Perisika le Akhwila badirišani ba ka go Kriste Jesu,"

²bao ba ilego ba ipea kotsing ya go kgaolwa melala bakeng sa moya wa ka, bao ba sa lebogwego ke nna feela eupša ba lebogwa le ke diphuthego tšohle tša ditšhaba."

³Dumedišang le phuthego yeo e lego ntlong ya bona. Dumedišang moratiwa wa ka Epaineto, yo a lego go ba mathomo kua Asia bao e bilego balatedi ba Kriste."

⁴Dumedišang Maria yo a itapišitšego kudu bakeng sa lena."

⁵Dumedišang Andronika le Juniase metswalo ya ka le mathopšagotee le nna, bao e lego banna ba tsebjago gabotse ke baapostola le bao ba bilego boteeng le Kriste lebaka le le teletšana go mpheta."

⁶Ntumedišetšeng Ampiliatuse moratiwa wa ka Moreneng."

⁷Dumedišang Urubano modirišani wa rena go Kriste le moratiwa wa ka Stagi."

⁸Dumedišang Apelle, yo a amogelegago go Kriste. Dumedišang ba ntlong ya Aristobulose."

⁹Dumedišang Herodione yo ke tswalanego le yena. Dumedišang ba ntlong ya Narakiso bao ba lego Moreneng."

¹⁰Dumedišang Teraefina le Teraefosa, basadi bao ba šomago ka thata Moreneng. Dumedišang Peresi moratiwa wa rena, gobane o itapišitše kudu Moreneng."

¹¹Dumedišang Rufose mohlaolwa Moreneng, le dumediše le mmagwe yo e bilego le nna ke mo tšea e le mma."

¹²Dumedišang Asinkrito, Flegone, Heremese, Patroba, Heremase le bana bešo bao ba nago le bona."

¹³Dumedišang Filologo le Julia, Nereo le kgaetšedi ya gagwe, le Olimpase le bakgethwa ka moka bao ba nago le bona."

¹⁴Dumedišanang ka katlo e kgethwa. Diphuthego ka moka tša Kriste di a le dumediša."

¹⁵Bjale bana bešo, ke le kgothaletša gore le bee leihlo bao ba bakago dikarogano le bao ba bakago mabaka a go kgopiša ba bangwe ao a fapanago le thuto yeo le ithutilego yona gomme le ba pheme."

¹⁶Gobane batho ba mohuta woo ke makgoba a dimpa tša bona, e sego a Morena wa rena Kriste; ka polelo e boreledi le polelo ya go reta ba fapoša dipelo tša bao ba se nago molato."

¹⁷Go kwa ga lena go lemogilwe ke bohle, ka baka leo le a nthabiša. Eupša ke nyaka gore le be bohlale mabapi le se sebotse, eupša le be ba se nago molato mabapi le bobe."

¹⁸Ge e le Modimo yo a neago khutšo yena, o tla pšhatlaganya Sathane tlase ga dinao tša lena kgauswinyane. Eka botho bjo bogolo bja Morena wa rena Jesu bo ka ba le lena."

¹⁹Timotheo modirišani wa ka o a le dumediša, le Lukio, Jasone le Sosipatere metswalo ya ka ba a le dumediša."

²⁰Nna Theshiase, yo a ngwadilego lengwalo le a laelwa ke Paulo, ke le dumediša Moreneng."

²¹Gayo, moamogedi wa ka le wa phuthego ka moka, o a le dumediša. Erasito molaki wa motse o a le dumediša, le Kwarato ngwanabo o a le dumediša."

²²——"

²³Bjale Modimo ka go dumelelana le ditaba tše dibotse tšeo ke di tsebatšago tša mabapi le go bolela ka Jesu Kriste, a ka le tiiša. Ditaba tše tše dibotse di dumelelana le seo se utolotšwego mabapi le sephiri se sekgethwa seo se ilego sa homolelwa ka nako e telele."

²⁴Ga bjale se bonagaditšwe gomme se tsebaditšwe ka mangwalo a boporofeta gare ga ditšhaba tšohle ka go dumelelana le taelo ya Modimo wa ka mo go sa felego gore di bontšhe tumelo gomme di mo kwe;"

²⁵go Modimo yo bohlale a nnoši, a go išwe letago ka Jesu Kriste go ya go ile. Amene."

²⁶Nna Paulo yo a bileditšwego go ba moapostola wa Jesu Kriste ka thato ya Modimo, le Sostene ngwanabo rena,"

²⁷ke ngwalela phuthego ya Modimo yeo e lego Korinthe, lena bao le kgethagaditšwego boteeng le Kriste Jesu, bao le bileditšwego go ba bakgethwa, gotee le bohle bao kae le kae ba bitšago leina la Morena wa rena Jesu Kriste, yena Morena wa bona le wa rena ke re:"

²⁸Eka le ka ba le botho bjo bogolo bja Modimo le khutšo tše di tšwago go Modimo Tatago rena le Morena Jesu Kriste."

²⁹Ke leboga Modimo ka mehla mabapi le lena ka baka la botho bjo bogolo bja Modimo bjo le bo neilwego go Kriste Jesu;"

³⁰gobane go se sengwe le se sengwe le humišitšwe go yena, ka bokgoni bjo bo tletšego bja go bolela le ka tsebo e tletšego,"

³¹go etša ge bohlatse mabapi le Kriste bo neilwe ka go tia gare ga lena,"

³²e le gore le gatee le se hlaelelwe mphong le ge e le efe, ge le dutše le letetše ka go fagahla kutollo ya Morena wa rena Jesu Kriste."

³³Gape o tla le tiiša go fihla bofelong, e le gore le be bao ba ka se latofatšwego ka selo letšatšing la Morena wa rena Jesu Kriste."