Romans 13

¹Tumelo yeo o nago le yona, a e be ya gago pele ga Modimo. Go thaba motho yo a sa ikahlolego ka seo yena a se amogelago."

²Eupša ge e ba a na le dipelaelo, o šetše a bonwe molato ge e ba a eja, gobane ga a je motheong wa tumelo. Ka kgonthe, selo se sengwe le se sengwe se se sa thewago tumelong ke sebe."

³Lega go le bjalo, rena bao ba tiilego tumelong re swanetše go rwala mafokodi a bao ba sa tiago gomme re se ke ra ikgahliša ka noši."

⁴Anke yo mongwe le yo mongwe wa rena a kgahliše moagišani wa gagwe ka se se holago a be a mo age."

⁵Gobane gaešita le Kriste ga se a ka a ikgahliša; eupša go etša ge go ngwadilwe gwa thwe: “Dikgobošo tša bao ba bego ba le goboša di nkwetše.”"

⁶Gobane dilo tšohle tšeo di ilego tša ngwalwa e sa le pele di ile tša ngwalelwa go re ruta, gore ka kgotlelelo ya rena le ka khomotšo e tšwago Mangwalong re be le kholofelo."

⁷Bjale eka Modimo yo a fago kgotlelelo le khomotšo a ka dira gore gare ga lena le be le boemo bja monagano bjo bo swanago le bjo Kriste Jesu a bego a na le bjona,"

⁸gore ka go kwana le tagafatše Modimo le Tatago Morena wa rena Jesu Kriste ka molomo o tee."

⁹Ka baka leo, amogelanang go etša ge Kriste le yena a re amogetše, gore go išwe letago go Modimo."

¹⁰Gobane ke le botša gore Kriste ge e le gabotse e bile modiredi wa bao ba bolotšego ka baka la go rereša ga Modimo, e le gore a kgonthišetše dikholofetšo tšeo Modimo a ilego a di holofetša borakgolokhukhu ba bona,"

¹¹le gore ditšhaba di tagafatše Modimo ka baka la kgaugelo ya gagwe. Go etša ge go ngwadilwe gwa thwe: “Ke ka lebaka leo ke tla dumelago phatlalatša gare ga ditšhaba gomme ke tla opelela leina la gago.”"

¹²Le gona o re: “Thabang le batho ba gagwe lena ditšhaba.”"

¹³Le gona: “Tumišang Jehofa lena ditšhaba ka moka, anke batho bohle ba mo tumiše.”"

¹⁴Le gona Jesaya o re: “Go tla ba le modu wa Jese gomme go tla ba le yo a tsogelago go buša ditšhaba; ditšhaba di tla bea kholofelo ya tšona go yena.”"