Revelation 9

¹Tšona tše di swantšhetšwa ke mehlware e mebedi le dihlomapone tše pedi gomme di eme pele ga Morena wa lefase."

²Ge e ba motho a nyaka go di gobatša, mollo o tšwa melomong ya tšona wa tšhuma manaba a tšona. Ge e ba motho a ka nyaka go di gobatša, o swanetše go bolawa ka tsela ye."

³Di na le matla a go tswalela legodimo gore go se be le pula e nago matšatšing a go porofeta ga tšona, e bile di na le matla godimo ga meetse gore di a fetole madi le go otla lefase ka dikotlo tša mohuta o mongwe le o mongwe neng le neng ge di rata."

⁴Ge di feditše go nea bohlatse, sebata se se rotogago sekoting se tla lwa le tšona sa di fenya gomme sa di bolaya."

⁵Ditopo tša tšona di tla ba tseleng e kgolo ya motse o mogolo woo ka kgopolo ya moya o bitšwago Sodoma le Egipita, moo Morena wa tšona le yena a ilego a kokotelwa koteng gona."

⁶Batho ba merafo, meloko, maleme le ditšhaba ba tla lebelela ditopo tša tšona ka matšatši a mararo le seripa gomme ga ba dumelele gore ditopo tša tšona di bolokwe lebitleng."

⁷Bao ba dulago lefaseng ba tla thaba ka baka la tšona le go keteka, ba tla romelana dimpho, gobane baporofeta ba ba babedi ba be ba hlokofatša bao ba dulago lefaseng."

⁸Ka morago ga matšatši a mararo le seripa moya wa bophelo o tšwago go Modimo wa tsena go tšona, tša ema ka dinao gomme poifo e kgolo ya wela bao ba di bonego."

⁹Tša kwa lentšu le le hlabošago le le tšwago legodimong le re go tšona: “Rotogelang mono.” Tša rotogela legodimong ka leru manaba a tšona a di lebeletše."

¹⁰Ka nako yeo gwa ba le tšhišinyego e kgolo ya lefase, karolo ya lesome ya motse ya wa; batho ba dikete tše šupago (7 000) ba bolawa ke tšhišinyego ya lefase gomme ba bangwe ka moka ba tšhoga, ba nea Modimo wa legodimo letago."

¹¹Madimabe a bobedi a fetile. Tsebang gore madimabe a boraro a tla ka go akgofa."

¹²Morongwa wa bošupa a letša phalafala ya gagwe. Mantšu a hlabošago a kwala legodimong, a re: “Mmušo wa lefase o fetogile mmušo wa Morena wa rena le wa Kriste wa gagwe, o tla buša e le kgoši go iša mehleng ya neng le neng.”"

¹³Bagolo ba masomepedi-nne bao ba bego ba dutše didulong tša bona tša bogoši pele ga Modimo ba wa ka difahlego tša bona ba rapela Modimo,"

¹⁴ba re: “Re a go leboga wena Jehofa Modimo, Ramatlaohle, Yo a lego gona le yo a bego a dutše a le gona, gobane o tšere matla a gago a magolo gomme wa thoma go buša o le kgoši."

¹⁵Eupša ditšhaba tša galefa gomme kgalefo ya gago ya tla, gwa tla le nako e beilwego ya gore bahu ba ahlolwe, le ya go putsa bahlanka ba gago bao e lego baporofeta, le ya go putsa bakgethwa le bao ba boifago leina la gago, ba banyenyane le ba bagolo, le ya go senya bao ba senyago lefase.”"

¹⁶Sekgethwa sa tempele ya Modimo yeo e lego legodimong sa bulwa, areka ya kgwerano ya gagwe ya bonwa sekgethweng sa tempele ya gagwe. Gwa ba le magadima, mantšu, medumo, tšhišinyego ya lefase le sefako se segolo."

¹⁷Pontšho e kgolo ya bonwa legodimong, gwa bonwa mosadi yo a tšhephilego ka letšatši, kgwedi e le ka tlase ga dinao tša gagwe, hlogong ya gagwe a rwele mphapahlogo wa dinaledi tše lesomepedi,"

¹⁸gomme e le moimana. A goeletša a šokwa e bile a le bohlokong bja go belega."

¹⁹Pontšho e nngwe ya bonwa legodimong. Gwa bonwa drakone e kgolo ya mmala wa bohwibidu bja mollo ya dihlogo tše šupago le dinaka tše lesome gomme dihlogong tša yona go na le mefapahlogo e šupago;"

²⁰mosela wa yona wa goga karolo ya boraro ya dinaledi tša legodimo wa di lahlela lefaseng. Drakone ya fela e eme pele ga mosadi yo a bego a tla tloga a belega, gore ge a belega e je ngwana wa gagwe."

²¹A belega morwa, mošemanyana, yo a tlago go buša ditšhaba ka moka ka molamo wa tšhipi. Ngwana wa gagwe a ubulwa a išwa go Modimo le sedulong sa gagwe sa bogoši."