Revelation 20

¹Gape, dikgoro tše lesomepedi e be e le diperela tše lesomepedi; kgoro e nngwe le e nngwe e be e dirilwe ka perela e tee. Tsela e kgolo ya motse e be e le gauta e sekilego bjalo ka galase e bonatšago."

²Ga se ka bona tempele go wona gobane Jehofa Modimo Ramatlaohle le Kwana ke tempele ya wona."

³Motse ga o nyake letšatši goba kgwedi go o bonegela, gobane letago la Modimo le be le o edišetša gomme lebone la wona e be e le Kwana."

⁴Ditšhaba di tla sepela ka seetša sa wona gomme dikgoši tša lefase di tla tliša letago la tšona go wona."

⁵Dikgoro tša wona di ka se ke tša tswalelwa le gatee mosegare, gobane bošego bo ka se ke bja ba gona moo."

⁶Di tla tliša letago le kgodišo ya ditšhaba go wona."

⁷Eupša selo le ge e le sefe seo se šilafetšego le motho yo a dirago selo sa makgapha le go radia, a ka se ke a tsena go wona le gatee; go tla tsena feela bao ba ngwadilwego lengwalong la go phuthwa la Kwana la bophelo."

⁸A mpontšha noka ya meetse a bophelo e sekilego bjalo ka legakabje, e elago e etšwa sedulong sa bogoši sa Modimo le sa Kwana"

⁹e fologa bogareng bja tsela e kgolo ya motse. Ka mošono wa noka le ka mošola wa yona go be go na le dihlare tša bophelo tše di enywago dienywa ka makga a lesomepedi ngwaga le ngwaga, tše di enywago dienywa tša tšona ka kgwedi e nngwe le e nngwe. Le gona matlakala a dihlare tšeo e be e le a go alafa ditšhaba."

¹⁰Le ka mohla go ka se sa ba le madimabe le ge e le afe. Eupša sedulo sa bogoši sa Modimo le sa Kwana di tla ba motseng gomme bahlanka ba gagwe ba tla mo direla tirelo e kgethwa;"

¹¹ba tla bona sefahlego sa gagwe gomme leina la gagwe le tla ba diphatleng tša bona."

¹²Le gona go ka se sa hlwa go eba le bošego gomme ga ba sa nyaka seetša sa lebone e bile ga ba na seetša sa letšatši, gobane Jehofa Modimo o tla ba hlabišetša seetša, bona ba tla buša e le dikgoši go iša mehleng ya neng le neng."

¹³A re go nna: “Mantšu a a botega e bile ke a therešo; ee, Jehofa, yena Modimo yo a buduletšego baporofeta o romile morongwa wa gagwe go tlo bontšha bahlanka ba gagwe dilo tše di swanetšego go direga kgauswinyane."

¹⁴Tsebang gore ke tla ka go akgofa. Go thaba mang le mang yo a bolokago mantšu a boporofeta bja lengwalo le la go phuthwa.”"

¹⁵Ee, nna Johane ke nna yo a bego a ekwa le go bona dilo tše. Ge ke di kwele e bile ke di bone, ka wela fase gore ke rapele dinaong tša morongwa yoo a bego a mpontšha dilo tše."