Revelation 2

¹“Ngwalela morongwa wa phuthego ya Filadelefia o re: Tše ke dilo tše di bolelwago ke yo e lego yo mokgethwa, morereši, yo a nago le senotlelo sa Dafida, yo a bulago gwa se be le yo a tlago go tswalela, yo a tswalelago gwa se be le yo a bulago, o re:"

²‘Ke tseba mediro ya gago—ke beile pele ga gago mojako o bulegilego, wo go sego yo a ka o tswalelago. Ke a tseba gore o na le matla a manyenyane, o bolokile lentšu la ka gomme ga se wa latola leina la ka."

³Bona! Ba ba tšwago sinagogeng ya Sathane bao ba rego ke bona Bajuda, mola e se bona ba aketša—ke tla dira gore ba tle ba khuname dinaong tša gago gomme ke ba dire gore ba tsebe gore ke go ratile."

⁴Gobane o bolokile lentšu la mabapi le kgotlelelo ya ka, le nna ke tla go lota nakong ya moleko wo o tlelago lefase ka moka, go tlo leka bao ba dulago go lona."

⁵Ke tla ka pela. Dula o kakatletše seo o nago le sona gore go se be le yo a tšeago mphapahlogo wa gago."

⁶“‘Yo a fenyago—ke tla mo dira kokwane tempeleng ya Modimo wa ka, le ka mohla a ka se ke a ba a tšwa go yona gomme ke tla ngwala go yena leina la Modimo wa ka le leina la motse wa Modimo wa ka, e lego Jerusalema e mpsha e fologago e etšwa legodimong go Modimo wa ka, ka ngwala le leina lela la ka le lefsa."

⁷Yo a nago le tsebe a kwe seo moya o se botšago diphuthego.’"

⁸Ngwalela morongwa wa phuthego ya Laoditsea o re: Tše ke dilo tše Amene a di bolelago, hlatse e botegago le ya therešo, mathomo a tlholo ya Modimo, o re:"

⁹‘Ke tseba ditiro tša gago gore ga o tonye e bile ga o fiše. Eka o ka be o tonya goba o fiša."

¹⁰Ka gona, ka ge o le bololo o sa fiše e bile o sa tonye, ke tla go tshwa molomong wa ka."

¹¹Gobane o re: “Ke humile, ke hweditše mahumo gomme ga ke sa nyaka selo,” fela ga o tsebe gore o hlomola pelo, o a šokiša, o a diila, o foufetše gomme o hloboletše,"

¹²ke go eletša gore o reke go nna gauta e sekišitšwego ka mollo gore o tle o hume, o reke le diaparo tše ditšhweu tša ka ntle gore o apare e le gore dihlong tša go hlobolela ga gago di se ke tša bonagatšwa, o reke le sehlare sa mahlo gore o tlotše mahlo a gago gore o bone."

¹³“‘Ka moka bao ke ba ratago ke a ba kgala le go ba laya. Ka gona fišega gomme o itshole."

¹⁴Bona! Ke eme mojako ke a kokota. Ge e ba motho a ekwa lentšu la ka gomme a bula mojako, ke tla tsena ntlong ya gagwe ka lalela le yena gomme yena a lalela le nna."

¹⁵Yo a fenyago ke tla mo dumelela go dula le nna sedulong sa ka sa bogoši, go etša ge le nna ke fentše gomme ka dula le Tate sedulong sa gagwe sa bogoši."

¹⁶Yo a nago le tsebe a kwe seo moya o se botšago diphuthego.’”"

¹⁷Ka morago ga dilo tše ka lebelela ka bona mojako o bulegilego legodimong gomme lentšu la pele le ke le kwelego le be le etša phalafala le bolela le nna, le re: “Rotogela mono gomme ke tla go bontšha dilo tše di swanetšego go direga.”"

¹⁸Ka morago ga se, gateetee ke ile ka tutuetšwa ke matla a moya o mokgethwa. Ka bona sedulo sa bogoši se be se le boemong bja sona legodimong, go na le yo a dutšego go sona."

¹⁹Yo a dutšego go sona, ka ponagalo o swana le leswika leo le bitšwago jasepere le leswika la bohlokwa la mmala o mohwibidu, gomme go dikologa sedulo sa bogoši go na le molalatladi woo ka ponagalo o swanago le leswika leo le bitšwago emeralede."

²⁰Go dikologa sedulo sa bogoši go na le didulo tša bogoši tše masomepedi-nne gomme godimo ga tšona ka bona go dutše bagolo ba masomepedi-nne ba apere diaparo tša ka ntle tše tšhweu, ba rwele mefapahlogo ya gauta dihlogong tša bona."

²¹Sedulong sa bogoši go be go etšwa magadima, mantšu le medumo; e bile go na le mabone a šupago a mollo a tukago pele ga sedulo sa bogoši, ona a swantšhetša meoya e šupago ya Modimo."

²²Pele ga sedulo sa bogoši go na le se e ka rego ke lewatle le le etšago galase le le swanago le legakabje. Gare ga sedulo sa bogoši le go dikologa sedulo sa bogoši go na le dibopiwa tše di phelago tše nne tše di tletšego mahlo ka pele le ka morago."

²³Sebopiwa se se phelago sa pele se swana le tau, sebopiwa se se phelago sa bobedi se swana le powana, sebopiwa se se phelago sa boraro se na le sefahlego seo se swanago le sa motho gomme sebopiwa se se phelago sa bone se swana le ntšhu e fofago."

²⁴Ge e le dibopiwa tše di phelago tše nne, se sengwe le se sengwe sa tšona se na le diphego tše tshelelago; di tletše mahlo go di dikologa le ka tlase ga diphego tša tšona. Mosegare le bošego di dula di re: “Mokgethwa, mokgethwa, mokgethwa ke Jehofa Modimo, Ramatlaohle, yo a bego a le gona, yo a lego gona le yo a tlago.”"

²⁵Neng le neng ge dibopiwa tše di phelago di nea letago, kgodišo le tebogo go Yo a dutšego sedulong sa bogoši, yena Yo a phelago go iša mehleng ya neng le neng,"

²⁶bagolo ba masomepedi-nne ba be ba wela fase ba rapela Yo a dutšego sedulong sa bogoši e bile e le Yo a phelago go iša mehleng ya neng le neng, ba lahlela mefapahlogo ya bona pele ga sedulo sa bogoši ba re:"

²⁷“Wena Jehofa Modimo wa rena o swanelwa ke go amogela letago, kgodišo le matla, gobane o bopile dilo ka moka gomme di bile gona le go bopša ka baka la thato ya gago.”"

²⁸Ka bona letsogong le letona la Yo a dutšego sedulong sa bogoši go na le lengwalo la go phuthwa le le ngwadilwego ka mahlakoreng a mabedi, le tlemilwe ka go tia ka mahuto a šupago."

²⁹Ka bona morongwa yo matla a goeletša ka lentšu le le hlabošago a re: “Ke mang yo a swanelwago ke go phutholla lengwalo le la go phuthwa gomme a tlemolle mahuto a lona?”"