Revelation 17

¹ba goeletša ge ba bona muši wa go fsa ga gagwe gomme ba re: ‘Ke motse ofe wo o ka tlago wa swana le motse wo o mogolo?’"

²Ba itšhela ka lerole dihlogong ba goeletša, ba lla e bile ba nyamile, ba re: ‘Joo, joo—motse o mogolo, wo go wona bohle bao ba bego ba na le dikepe ka lewatleng ba humišitšwego ke matsaka a wona, gobane o sentšwe ka iri e tee!’"

³“Wena legodimo le lena bakgethwa le baapostola le baporofeta, thabang ka baka la gagwe gobane Modimo o le ahloletše!”"

⁴Morongwa yo matla a kuka leswika leo le swanago le lwala le legolo a le lahlela lewatleng, a re: “Babilona motse o mogolo o tla kodumetšwa tlase ka lebelo ka mokgwa wo gomme o ka se hlwe o hwetšwa gape."

⁵Modumo wa diopedi tšeo di opelago ka go sepedišana le harepa le wa baletši ba diletšo le wa baletši ba dinaka le wa baletši ba diphalafala o ka se sa hlwa o kwala go wena gape. Ga go setsebi sa mošomo wa diatla le ge e le ofe se se tlago go hlwa se hwetšwa go wena gape, gomme ga go modumo wa lwala wo o tlago go hlwa o kwala go wena gape."

⁶Ga go na seetša sa lebone seo le ka mohla se tlago go bonega go wena gape, ga go na lentšu la monyadi le la monyadiwa leo le ka mohla le tlago go kwala go wena gape. Gobane babapatši ba gago e be e le batho ba maemo a godimo lefaseng, gobane ditšhaba ka moka di timeditšwe ka baka la go dirišana ga gago le meoya e mebe."

⁷Ee, go yena go hweditšwe madi a baporofeta le a bakgethwa le a bao ka moka ba bolailwego lefaseng.”"

⁸Ka morago ga dilo tše ka kwa seo e kego ke lentšu le le hlabošago la lešaba le legolo la bao ba lego legodimong. Ba re: “Tumišang Jah! Phološo le letago le matla ke tša Modimo wa rena,"

⁹gobane dikahlolo tša gagwe ke tša therešo e bile di lokile. Gobane o ahlotše mogweba-ka-mmele yo mogolo yo a sentšego lefase ka bootswa bja gagwe, e bile o lefeleditše madi a bahlanka ba gagwe seatleng sa gagwe.”"

¹⁰Gona moo ba re ka lekga la bobedi: “Tumišang Jah! Muši o tšwago go yena o kuelela go iša mehleng ya neng le neng.”"

¹¹Bagolo ba masomepedi-nne le dibopiwa tše di phelago tše nne ba wela fase ba rapela Modimo yo a bego a dutše sedulong sa bogoši, ba re: “Amene! Tumišang Jah!”"

¹²Le gona, lentšu la tšwa sedulong sa bogoši la re: “Tumišang Modimo wa rena, lena bahlanka ba gagwe ka moka bao ba mmoifago, ba banyenyane le ba bagolo.”"

¹³Ka kwa seo e kego ke lentšu la sehlopha se segolo le se e kego ke modumo wa meetse a mantši le se e kego ke medumo e matla ya legadima. Sehlopha seo se be se re: “Tumišang Jah, gobane Jehofa Modimo wa rena, Ramatlaohle o thomile go buša e le kgoši."

¹⁴A re thabeng re hlalaleng kudu re be re mo neeng letago gobane lenyalo la Kwana le tlile gomme mosadi wa yona o itokišitše."

¹⁵Ee, o dumeletšwe gore a apare seaparo sa linene e tagilego, e hlwekilego le e botse, gobane linene e botse e emela ditiro tša go loka tša bakgethwa.”"

¹⁶A re go nna: “Ngwala o re: Go thaba bao ba laleditšwego selalelong sa lenyalo la Kwana.” Gape a re go nna: “A ke mantšu a therešo a Modimo.”"

¹⁷Ge a re’alo ka wela fase pele ga dinao tša gagwe gore ke mo rapele. Eupša a re go nna: “O se ke wa dira bjalo! Nna ke upša ke le feela mohlankagotee le wena le bana beno bao ba nago le modiro wa go nea bohlatse ka Jesu. Rapela Modimo; gobane go nea bohlatse ka Jesu ke gona go tutueletšago boporofeta.”"

¹⁸Ke moka ka bona legodimo le bulega gomme ka bona pere e tšhweu. Yo a e nametšego o bitšwa Mmotegi le Morereši gomme o ahlola le go lwa ka go loka."