Revelation 16

¹A re go nna: “Meetse ao o a bonego, ao mogweba-ka-mmele a dutšego go ona, a swantšhetša merafo, mašaba, ditšhaba le maleme."

²Dinaka tše lesome tše o di bonego le sebata, di tla hloya mogweba-ka-mmele tša mo šwalalanya le go mo hlobodiša gomme tša ja dinama tša gagwe tša ba tša mo fiša ka mo go feletšego ka mollo."

³Gobane Modimo o tsentšhitše dipelong tša tšona gore di phethe kgopolo ya gagwe, ee, gore di phethe kgopolo ya tšona e tee ka go nea sebata mmušo wa tšona, go fihlela ge mantšu a Modimo a tla be a phethagaditšwe."

⁴Mosadi yo o mmonego o swantšhetša motse o mogolo woo o nago le mmušo o bušago dikgoši tša lefase.”"

⁵Ka morago ga dilo tše ka bona morongwa yo mongwe a theoga legodimong a na le matla a magolo; lefase la edišwa ke letago la gagwe."

⁶A goeletša ka lentšu le matla, a re: “O wele! Babilona o Mogolo o wele gomme o fetogile bodulo bja batemona le lefelo la bokhuto bja meoya ye e sa hlwekago le bja nonyana e nngwe le e nngwe e sa hlwekago le e hloilwego!"

⁷Gobane ka baka la beine ya kganyogo ya bootswa bja gagwe, ditšhaba ka moka di tantšwe gomme dikgoši tša lefase di otswitše le yena, babapatši ba lefase ba humile ka baka la matla a matsaka a go se hlabje ke dihlong ga gagwe.”"

⁸Ka kwa lentšu le lengwe le le tšwago legodimong le re: “Etšwang go yena batho ba ka, ge e ba le sa nyake go ba le kabelo le yena dibeng tša gagwe, le ge e ba le sa nyake go amogela karolo ya dikotlo tša gagwe."

⁹Gobane dibe tša gagwe di kgobelane go fihla legodimong gomme Modimo o gopotše ditiro tša gagwe tša go hloka toka."

¹⁰Mmušetšeng ka tsela yeo a bego a swere ba bangwe ka yona, ee, le mo direng gabedi dilo tše a di dirilego; mo tšheleleng motswako gabedi senwelong seo go sona a tšhetšego motswako."

¹¹Ka tekanyo yeo ka yona a itagafaditšego le go phela matsakeng a go se hlabje ke dihlong, mo hlokofatšeng le go mo lliša ka yona tekanyo yeo. Gobane pelong ya gagwe o dula a re: ‘Ke dutše bjalo ka kgošigadi, ga ke mohlologadi gomme nka se ke ka bona tlhokofalo.’"

¹²Ke ka lebaka leo dikotlo tša gagwe di tlago go tla ka letšatši letee, e lego lehu le go lla le tlala, gomme o tla fišwa ka mo go feletšego ka mollo, gobane Jehofa Modimo yo a mo ahlolago ke yo matla."

¹³“Dikgoši tša lefase tšeo di otswitšego le yena gomme tša phela le yena matsakeng a go se hlabje ke dihlong, di tla lla le go itshetla dihuba di nyamile ka baka la gagwe, ge di bona muši wa ge a e fsa."

¹⁴Di tla emela kgole ka baka la go boifa go hlokofatšwa ga gagwe, di re: ‘Joo, joo, wena motse o mogolo, Babilona motse o matla, gobane kahlolo ya gago e fihlile ka iri e tee!’"

¹⁵“Le babapatši ba lefase ba lla le go nyama ka baka la gagwe, gobane ga go sa na yo a rekago dithoto ka moka tša bona,"

¹⁶dithoto ka moka tša gauta, silifera, leswika le bohlokwa, diperela, linene e botse, lešela le lephepolo, silika le tša lešela la mmala o mohwibiduhwibidu; le selo se sengwe le se sengwe se se dirilwego ka kota ya monko o bose le selo se sengwe le se sengwe se se dirilwego ka lenaka la tlou le selo se sengwe le se sengwe se se dirilwego ka kota ya bohlokwa le ka koporo le ka tšhipi le ka mmabole;"

¹⁷le sinamone, senoko sa India, diorelo, makhura a monko o bose, diorelo tše tšhweu, beine, makhura a mohlware, bupi bja mathume, korong, dikgomo, dinku, dipere, dikoloi, makgoba le meoya yeo e lego batho."

¹⁸Ee, dienywa tše botse tše moya wa gago o bego o di kganyoga di tlogile go wena le dilo ka moka tše di kgahlišago le dilo tše dibotse kudu di fedile go wena gomme di ka se hlwe di sa hwetšwa le ka mohla."

¹⁹“Babapatši bao ba rekišitšego dilo tše, bao ba humišitšwego ke yena, ba tla ema kgole ka baka la go boifa ga bona go hlokofatšwa ga gagwe gomme ba tla lla le go nyama,"

²⁰ba re: ‘Joo, joo—motse o mogolo wo o aperego linene e botse le seaparo se se phepolo le sa mmala o mohwibiduhwibidu, e bile o ikgabišitše kudu ka gauta le leswika le bohlokwa le perela,"

²¹gobane mahumo a bjalo a magolo a sentšwe ka iri e tee!’ “Molaodi yo mongwe le yo mongwe wa sekepe le motho yo mongwe le yo mongwe yo a tšeago leeto ka sekepe, le basesiši ka moka le bao ba iphedišago ka lewatle, ba emela kgole"