A New Song of Salvation

¹Umhobe. Vumani kuYehova ingoma entsha, Ngokuba wenze imisebenzi ebalulekileyo; Simzuzele uloyiso isandla sakhe sokunene, nengalo yakhe engcwele."

²Ulwazisile uYehova usindiso lwakhe, Ubutyhilile emehlweni eentlanga ubulungisa bakhe."

³Ukhumbule inceba yakhe nokunyanisa kwakhe kwindlu kaSirayeli; Zilubonile zonke iziphelo zehlabathi usindiso loThixo wethu."

⁴Dumani kuYehova, nonke hlabathi, Gqobhokelani ekumemeleleni, nibethe uhadi."

⁵Mbetheleni uhadi uYehova, Uhadi nelizwi lengoma;"

⁶Ngamaxilongo nezwi lesigodlo Dumani phambi koKumkani uYehova."

⁷Malugqume ulwandle nenzaliseko yalo, Elimiweyo nabemi balo."

⁸Imilambo mayibethe izandla, Zimemelele kunye iintaba"

⁹Phambi koYehova, ngokuba esiza kugweba ihlabathi. Uya kuligweba elimiweyo ngobulungisa, Izizwe ngokuthe tye."