The LORD Reigneth

¹UYehova ngukumkani; liyagcoba ihlabathi, Ziyavuya iziqithi ezininzi."

²Ngamafu nesithokothoko ngeenxa zonke kuye, Bubulungisa nokusesikweni ummiso wetrone yakhe."

³Kuhamba umlilo phambi kwakhe; Ulenya ababandezeli bakhe ngeenxa zonke."

⁴Ikhanyisa elimiweyo imibane yakhe; Uyabona umhlaba, uzibhija-bhije."

⁵Iintaba zinyibilika njengomthwebeba phambi koYehova, Phambi kweNkosi yehlabathi lonke."

⁶Izulu lixela ubulungisa bakhe, Zilubone uzuko lwakhe zonke izizwe."

⁷Badanile bonke abakhonza umfanekiso oqingqiweyo, Abaqhayisa ngeento ezingento; Bayamnqula bonke oothixo."

⁸Iyeva, iyavuya iZiyon, Ziyagcoba iintombi zakwaYuda, Ngenxa yemigwebo yakho, Yehova."

⁹Ngokuba nguwe, Yehova, Osenyangweni phezu kwehlabathi lonke; Unyukile kunene ngaphezu koothixo bonke."

¹⁰Bathandi bakaYehova, kuthiyeni okubi. Umgcini wemiphefumlo yabenceba bakhe Uya kubahlangula esandleni sabangendawo."

¹¹Ukukhanya likuhlwayelelwe ilungisa, Novuyo baluhlwayelelwe abantliziyo zithe tye."

¹²Vuyani ngoYehova, malungisa, Nibulele isikhumbuzo sakhe esingcwele."