The LORD Reigneth

¹Moshe le Arone e be e le ba bangwe ba baperisita ba gagwe, Samuele e be e le yo mongwe wa bao ba bitšago leina la gagwe. Ba be ba bitša Jehofa gomme yena o be a dula a ba araba."

²O ile a bolela le bona a le thololong ya leru. Ba ile ba lota dikgopotšo tša gagwe le taelo yeo a ba neilego yona."

³Wena Jehofa Modimo wa rena, wena o ba arabile. O bile Modimo yo a ba swarelago Le yo a ba otlilego ka baka la ditiro tša bona tše mpe."

⁴Phagamišang Jehofa Modimo wa rena Le khunameng thabeng ya gagwe e kgethwa. Gobane Jehofa Modimo wa rena ke yo mokgethwa."

⁵Gobelang Jehofa megobo lena batho ka moka ba lefaseng."

⁶Hlankelang Jehofa ka go hlalala. Tlang pele ga gagwe le goelela ka lethabo."

⁷Tsebang gore Jehofa ke Modimo. Ke yena a re dirilego, ga se ra itira. Re batho ba gagwe le dinku tša mafulo a gagwe."

⁸Tsenang dikgorong tša gagwe ka ditebogo Le malapeng a gagwe ka ditumišo. Mo lebogeng, le reteng leina la gagwe."

⁹Gobane Jehofa o lokile; Botho bja gagwe ke bja go iša mehleng ya neng le neng, Gomme potego ya gagwe ke ya go iša melokong le melokong."

¹⁰Ke tla opela mabapi le botho le kahlolo. Ke tla go opelela, wena Jehofa."

¹¹Ke tla dira dilo ka temogo le ka tsela e se nago bosodi. O tla tla neng go nna? Ke tla itshepelela ka ntlong ya ka ka pelo e botegago."

¹²Selo le ge e le sefe seo se se nago mohola nka se se bee pele ga mahlo a ka. Ke hloile seo se dirwago ke bao ba arogago; Ga se nkgomarele."