O Come Let Us Sing

¹Mollo o tuka pele ga gagwe, Wa tšhuma manaba a gagwe thoko tšohle."

²Magadima a gagwe a edišetša naga; Lefase le bone seo gomme la ba bohlokong bjo bogolo."

³Dithaba tšona di tologile go etša moti ka baka la Jehofa, Ka baka la Morena wa lefase ka moka."

⁴Magodimo a boletše ka toko ya gagwe, Gomme merafo ka moka e bone letago la gagwe."

⁵Anke bohle bao ba hlankelago seswantšho le ge e le sefe seo se betlilwego ba hlabje ke dihlong, Bona bao ba ikgantšhago ka medimo ya go hloka mohola. Lena medimo ka moka, mo khunameleng."

⁶Tsione e kwele seo gomme ya thaba, Le metse e dikologilego Juda ya hlalala Ka baka la dikahlolo tša gago, wena Jehofa."

⁷Gobane wena Jehofa o Yo Godimodimo godimo ga lefase ka moka; O godimodimo boemong bja gago bjo bo phagametšego medimo e mengwe ka moka."

⁸Lena bao ba ratago Jehofa, hloyang se sebe. O šireletša meoya ya bao ba mmotegelago; O ba hlakodiša seatleng sa ba kgopo."

⁹Seetša se phadimetše baloki, E bile lethabo le phadimetše ba dipelo tše di lokilego."

¹⁰Thabelang Jehofa lena baloki, Gomme le leboge leina la gagwe le lekgethwa le le dirilwego segopotšo."

¹¹Opelelang Jehofa kopelo e mpsha, Gobane o dirile dilo tše di makatšago. Seatla sa gagwe sa le letona, lona letsogo la gagwe le lekgethwa, se tlišitše phološo."