God of Vengeance

¹Thixo wempindezelo, Yehova, Thixo wempindezelo, bengezela!"

²Phakama, Mgwebi wehlabathi! Babuyisele impatho yabo abanekratshi."

³Kunini na abangendawo, Yehova, Kunini na abangendawo bevuyelela?"

⁴Balephuza amagwebu, bathetha ngokusa, Bayandolosa bonke abasebenzi bobutshinga."

⁵Batyumza abantu bakho, Yehova, Bacinezela ilifa lakho."

⁶Babulala umhlolokazi nowasemzini, Bancinitha inkedama."

⁷Bathi ke, Akaboni uYehova, Akagqali uThixo kaYakobi."

⁸Qondani, nina bazizityhakala ebantwini; Nina zinyabi, niya kuqiqa nini na?"

⁹Omilisele indlebe, akayi kuva na? Obumbe iliso, akayi kukhangela na?"

¹⁰Umthethisi weentlanga akayi kohlwaya na, Ulofundisa abantu ukwazi?"

¹¹UYehova ngumazi weengcinga zabantu, Ukuba zingumphunga."

¹²Hayi, uyolo lwendoda oyithethisayo, Yehova, Oyifundisayo ngomyalelo wakho;"

¹³Ukuba uyizolise eziminini zobubi, Ade ambelwe isihogo ongendawo."

¹⁴Ngokuba uYehova akabalahli abantu bakhe, Akalishiyi ilifa lakhe."

¹⁵Ngokuba isiko liya kubuyela ebulungiseni, Balilandele bonke abantliziyo zithe tye."

¹⁶Ngubani na oya kusukela phezulu kubo abanobubi, ngenxa yam? Ngubani na oya kumelana nabasebenzi bobutshinga, ngenxa yam?"

¹⁷Koko uYehova abe luncedo lwam, Umphefumlo wam unge uhle msinya, waya apho kuthiwa cwaka khona."

¹⁸Ukuba ndithi, Lwatyibilika unyawo lwam, Isuka inceba yakho, Yehova, indixhase."

¹⁹Ebuninzini beengcinga-ngcinga zam ngaphakathi kwam, Iintuthuzelo zakho ziyawuyolisa umphefumlo wam."

²⁰Ingaqhelana nawe na itrone yolweyeliselo, Ebumba ububi ngommiselo?"

²¹Bahlanganyela umphefumlo welungisa, Baligwebe igazi elimsulwa."

²²Kanti ke uYehova uyingxonde kum, UThixo wam liliwa endizimela ngalo."

²³Ububuyisela phezu kwabo ubutshinga babo, Uba bhangisa ngobubi babo; Uya kubabhangisa uYehova, uThixo wethu."