It Is Good to Give Thanks

¹Umhobe; ingoma, ngemini yesabatha. Kulungile ukubulela kuYehova, Nokulibethela uhadi igama lakho, Wena usenyangweni;"

²Ukuyixela kwakusasa inceba yakho, Nokunyanisa kwakho ebusuku,"

³Ngoweentambo ezilishumi nangomrhubhe, Ngokulubetha uhadi ngofefe."

⁴Ngokuba uyandivuyisa, Yehova, ngomsebenzi wakho, Ngezenzo zezandla zakho ndinokumemelela."

⁵Azizikhulu izenzo zakho, Yehova! Zinzulu kakhulu iingcinga zakho."

⁶Isityhakala asinakwazi; Isinyabi asikuqondi oko."

⁷Ekudubuleni kongendawo njengomfuno, Ekutyatyambeni kwabasebenzi bonke bobutshinga, Kukuze batshabalale ngonaphakade."

⁸Ke wena, Yehova, ungophezulu ngonaphakade."

⁹Ngokuba uyabona, iintshaba zakho, Yehova, Ngokuba uyabona, iintshaba zakho ziva kutshabalala; Baya kuchithwa-chithwa bonke abasebenzi bobutshinga."

¹⁰Uyaluphakamisa uphondo lwam njengolwenqu; Ndigalelwe ioli entsha."

¹¹Iliso lam liyababonela abandilalelayo, Indlebe yam iyabeva abasukela phezulu kum benobubi."

¹²Amalungisa aya kudubula njengesundu, Aya kukhula njengomsedare weLebhanon."

¹³Etyelwe nje endlwini kaYehova, Aya kutyatyamba ezintendelezweni zoThixo wethu."

¹⁴Aya kuhluma eselenezimvi, Aya kuba etyebile, eluhlaza;"

¹⁵Ukuze axele ukuba uthe tye uYehova, Uliwa lam, kungekho bugqwetha kuye."