Under His Wings

¹Ohleli esitheni lOsenyangweni, Azilalise emthunzini kaSomandla,"

²Uthi kuYehova, Hlathi lam, Mboniselo yam, Thixo wam, endikholose ngaye!"

³Ngokuba ngokwakhe uya kukuhlangula emgibeni womthiyeli, Endyikityeni yokufa eyeyelisayo."

⁴Wokugubungela ngeentsiba zakhe, Uzimele phantsi kwamaphiko akhe. Likhaka, yingweletshetshe inyaniso yakhe."

⁵Akuyi koyikiswa zizothuso ebusuku, Nalutolo lubaleka emini;"

⁶Nandyikitya yakufa ihamba esithokothokweni, Nasifo sibhubhisayo, sibhuqa emini enkulu."

⁷Kungawa iwaka ecaleni kwakho, Isigidi ngasekunene kwakho, Kodwa kungasondeli nto kuwe."

⁸Wokhangela ngamehlo akho odwa, Ukubonele ukubuyekezwa kwabangendawo."

⁹Ngokuba nguwe, Yehova, ihlathi lam. Umenze Osenyangweni ikhaya lakho."

¹⁰Akuyi kuqubisana bubi nawe. Kungafiki sibetho ententeni yakho."

¹¹Ngokuba izithunywa zakhe uziwisele umthetho ngawe, Ukuba zikugcine ezindleleni zakho zonke."

¹²Zokuthwala wena ngezandla zozibini, Hleze ubetheke ngonyawo lwakho etyeni."

¹³Wonyathela phezu kwengonyama nephimpi, Uyinyashe ingonyama entsha nenamba ngeenyawo."

¹⁴Ngokuba enamathele kum, ndomsiza; Ndimse engxondeni, ngokuba elazi igama lam."

¹⁵Wondibiza, ndiphendule, Ndoba naye embandezelweni; Ndomhlangula, ndimzukise;"

¹⁶Ndimanelise ngemihla emide, Ndimbonise ukusindisa kwam."