Praise for Victory

¹Molomo wa gagwe o tletše maroga, bofora le kgatelelo. Ka tlase ga leleme la gagwe go na le mathata le tše di gobatšago."

²O dula mafelong a go lalela; O tla bolaya yo a se nago molato a le mafelong a utegilego. Mahlo a gagwe a šeditše wa go hloka mahlatse."

³O dula a laletše a le lefelong leo le utegilego go etša tau boutamong bja yona. O dula a laletše mohlaki gore a mo tšee ka kgang a tloge le yena. Ge a tswalela lokwa la gagwe, o tšea mohlaki ka kgang a tloga le yena."

⁴Mohlaki o nyamile o šoro, o a inama, Gomme mašaba a bao ba kwelego bohloko a tla wela dinaleng tše di tiilego tša yo kgopo."

⁵Pelong ya gagwe o itše: “Modimo o lebetše. O utile sefahlego sa gagwe. A ka se tsoge a bone seo.”"

⁶Ema hle Jehofa. Anke o emiše seatla sa gago hle Modimo. O se ke wa lebala bahlaki."

⁷Ke ka baka la’ng eka yo kgopo o hlompholotše Modimo? Pelong ya gagwe o itše: “O ka se latišiše se.”"

⁸Gobane wena o bone matshwenyego le mathata. O dula o lebeletše gore o a tsenye ka seatleng sa gago. Yo madimabe, e lego tšhiwana, o ikgafela wena. Ke wena o lego mothuši wa gagwe."

⁹Roba letsogo la yo kgopo le yo mobe. Anke o mo otlele bokgopo bja gagwe go fihlela o se sa bo hwetša."

¹⁰Jehofa ke Kgoši go iša mehleng ya neng le neng, gaešita le ka mo go sa felego. Ditšhaba di fedile lefaseng la gagwe."

¹¹O tla kwa tšeo di kganyogwago ke ba boleta, wena Jehofa. O tla lokiša dipelo tša bona. O tla hlwaya tsebe,"

¹²Gore o ahlolele tšhiwana le yo a nyamilego kudu, Gore motho wa nama le madi wa lefaseng a se hlwe a thothomediša le ge e le mang."

¹³Ke tšhabetše go Jehofa. Lena le ka botša moya wa ka bjang gore: “Tšhabelang dithabeng tša lena bjalo ka nonyana!"

¹⁴Bonang! Ba kgopo bona ba nganga bora, Ba beakanya mesebe ya bona lenting la bora, Gore ba thuntšhe ba le leswiswing, ba thuntšha batho ba dipelo tše di lokilego."

¹⁵Ge metheo ya toka yona e phušolwa, Moloki a dire’ng?”"

¹⁶Jehofa o tempeleng ya gagwe e kgethwa. Jehofa sedulo sa gagwe sa bogoši se magodimong. Mahlo a gagwe a a bona, mahlo a gagwe a phadimago a hlahloba bana ba batho."

¹⁷Jehofa yena o hlahloba moloki gotee le yo kgopo, Moya wa Gagwe o hloile le ge e le mang yo a ratago bošoro."

¹⁸O tla nešetša ba kgopo mereo, mollo, sebabole Le phefo e babolago, e le karolo ya senwelo sa bona."

¹⁹Gobane Jehofa o lokile; o rata ditiro tša go loka. Baloki ke bona ba tlago go bona sefahlego sa gagwe."

²⁰Mphološe hle Jehofa, gobane ga go sa na yo a botegago;Gobane batho ba botegago ba fedile baneng ba batho."