Mercy and Truth Met

¹Wena Modimo, bao ba ikgodišago bona ba ntsogetše matla; Sehlopha sa ba bašoro sona se nyaka moya wa ka, Gomme ga se ba go bea pele ga bona."

²Eupša wena Jehofa, o Modimo yo a gaugelago le yo a šokelago, Yo a diegago go galefa le yo a tletšego botho le therešo."

³Retologela go nna gomme o nkgaugele. Nea mohlanka wa gago matla, O be o phološe morwa wa lekgoba la gago la mosadi."

⁴Ntirele seka seo se šupago go loka, Gore bao ba ntlhoilego ba bone seka seo gomme ba hlabje ke dihlong. Gobane wena ka bowena Jehofa, o nthušitše wa ba wa nkhomotša."

⁵Motheo wa gagwe o dithabeng tše kgethwa."

⁶Jehofa o rata dikgoro tša Tsione Go feta ditaberenakele ka moka tša Jakobo."

⁷Wena motse wa Modimo wa therešo, go bolelwa ka dilo tša letago ka wena."

⁸Rahaba le Babilona ke tla di bala gare ga bao ba ntsebago; Go tla bolelwa ka Filisita, Tiro gotee le Kushe gwa thwe: “Yo ke yena yo a belegetšwego moo.”"

⁹Le gona go tla bolelwa ka Tsione gwa thwe: “Yo mongwe le yo mongwe o belegetšwe go yona.” Yo Godimodimo yena o tla e thea a e tiiša."

¹⁰Ge Jehofa a ngwala pego ya go balwa ga merafo o tla re: “Yo ke yena yo a belegetšwego moo.”"

¹¹Le gona go tla ba le diopedi le bao ba binago ba dirile lešaka, gomme go tla thwe: “Methopo ya ka ka moka ya ditšhegofatšo e go wena.”"

¹²Wena Jehofa Modimo yo a mphološago, Ke go lletše mosegare, Le bošego ka lla ke le pele ga gago."

¹³Thapelo ya ka e tla tla pele ga gago. Sello sa ka sa ge ke go lopa o se sekegele tsebe."