Keep Not Silence

¹Wena kotse ya rena, lebelela hle Modimo, O bone sefahlego sa motlotšwa wa gago."

²Gobane letšatši letee ke le malapeng a gago le phala a sekete (1 000) ke le lefelong le lengwe. Ke kgethile go ema mojakong wa ntlo ya Modimo wa ka Go e na le go emaema ditenteng tša bokgopo."

³Gobane Jehofa Modimo ke letšatši e bile ke kotse; O bontšha kgaugelo e bile o nea letago. Bao ba sepelago ka go hloka bosodi Jehofa yena a ka se ba time selo le ge e le sefe se sebotse."

⁴Wena Jehofa wa madira, go thaba motho yo a go botago."

⁵Wena Jehofa, o kgahlilwe ke naga ya gago; Bana ba Jakobo bao e bego e le mathopša o ba bušeditše morago."

⁶O swaretše batho ba gago molato wa bona; O khupeditše sebe sa bona ka moka."

⁷O laotše kgalefo ya gago ka moka; O furaletše bogale bja gago bjo bo tukago."

⁸Re kgoboketše gape hle, wena Modimo yo a re phološago, O kgaotše go re befelela."

⁹Na o tla re tukela bogale go iša mehleng ya neng le neng? Na o tla ntšha bogale bja gago go iša melokong le melokong?"

¹⁰Na wena ka bowena o ka se re phediše gape, E le gore batho ba gago bona ba go thabele?"

¹¹Re bontšhe botho bja gago, hle Jehofa, Anke o re phološe."

¹²Ke tla kwa seo Modimo wa therešo Jehofa a tlago go se bolela, Gobane o tla bolela khutšo bathong ba gagwe le go bao ba mmotegelago, Eupša anke ba se boele ba ikholofela gape."

¹³Ruri phološo ya gagwe e kgauswi le bao ba mmoifago, Gore nageng ya gabo rena go be le letago."

¹⁴Ge e le botho le therešo, tšona di gahlanetšane; Toko le khutšo—di atlane."

¹⁵Therešo yona e tla hloga mo lefaseng, Toko yona e tla lebelela fase e le magodimong."

¹⁶Le gona Jehofa yena o tla re nea se sebotse, Gomme naga ya gabo rena e tla tšweletša dienywa tša yona."

¹⁷Toko e tla sepela pele ga gagwe, Ya sepela dikgatong tša gagwe."

¹⁸Hlwaya tsebe, hle Jehofa. Nkarabe, Gobane ke a hlaka e bile ke a diila."