Shepherd of Israel

¹Kumongameli; ngeyeenyibiba ezingqinisayo. Ka-Asafu. Umhobe. Ulomalusi kaSirayeli, beka indlebe! Uloqhuba uYosefu njengezimvu, Ulohlala ezikerubhini, bengezela!"

²Phambi koEfrayim noBhenjamin noManase, Vusa ubugorha bakho, Uze kusisindisa."

³Thixo, sibuyise, Ukhanyise ubuso bakho, sisindiswe."

⁴Yehova, Thixo wemikhosi, Kunini na uqhuma umsindo wakho ekuthandazeni kwabantu bakho?"

⁵Ubadlisa isonka seenyembezi, Wabaseza iinyembezi ngemilinganiso."

⁶Usenze into abaxabana ngayo abamelwane bethu; Iintshaba zethu ziyasigculela."

⁷Thixo wemikhosi, sibuyise, Ukhanyise ubuso bakho, sisindiswe."

⁸Wanyothula umdiliya eYiputa, Wagxotha iintlanga, wawutyala;"

⁹Wahlahla phambi kwawo, Wendelisa iingcambu, wazalisa ilizwe."

¹⁰Zagutyungelwa iintaba ngumthunzi wawo, Nemisedare kaThixo ngamasebe awo."

¹¹Wasa amasebe awo elwandle, Namagatya awo kuwo uMlambo."

¹²Uzityhobozeleni na iintango zawo, Ukuze bawukhe bonke abadlula ngendlela?"

¹³Ingulube yasehlathini iyawubhuqa, Nento edakasa endle iyawudla."

¹⁴Thixo wemikhosi, khawubuye, Uqondele usemazulwini, ubone, Uwuvelele lo mdiliya."

¹⁵Yikhusele into esiyityeleyo isandla sakho sokunene, Unyana lo uzizimaseleyo ngokwakho."

¹⁶Utshisiwe ngumlilo, uhlahliwe; Bayadaka ngokusongela kobuso bakho."

¹⁷Isandla sakho masibe phezu komfo wesandla sakho sokunene, Phezu koonyana babantu, ozizimaseleyo ngokwakho."

¹⁸Asiyi kumka kuwe; Siphilise, silinqule igama lakho."

¹⁹Yehova, Thixo wemikhosi, sibuyise, Ukhanyise ubuso bakho, sisindiswe."