Shepherd of Israel

¹Ekwang lena batho ba ka, ge ke nea bohlatse bja go le latofatša. Wena Isiraele, a mola nkabe o ka ntheetša!"

²Go be go ka se be le modimo o šele mo gare ga lena; Le gona le be le ka se khunamele modimo o šele."

³Nna Jehofa, ke Modimo wa lena, Yena Yo a le rotošitšego a le ntšha nageng ya Egipita. Ahlamišang molomo wa lena, nna ke tla o tlatša ka dijo."

⁴Eupša batho ba ka ga se ba theetša lentšu la ka; Isiraele ka boyona ga se ya bontšha go rata go nkwa."

⁵Ka gona ka ba lesa ba sepela ka bonganga bja pelo ya bona; Ba sepela ka merero ya bona."

⁶A mola nkabe batho ba ka ba ntheetša! A mola nkabe Isiraele ka boyona e ka sepela ka ditsela tše tša ka!"

⁷Manaba a bona ke be ke tla a kokobetša gabonolo, Ke be ke tla emiša seatla sa ka ka lwa le baganetši ba bona."

⁸Ge e le bao ba hloilego Jehofa o šoro ba tla tla go yena ba phophotha, Gomme nako ya bona e tla ba ya go iša mehleng ya neng le neng."

⁹Ke tla fepa batho ba ka ka korong e nonnego, Ka ba khoriša ka dinose tše di tšwago leswikeng.”"

¹⁰Modimo o eme phuthegong ya gagwe, yena Yo Godimodimo; O ahlola gare ga medimo o re:"

¹¹“Le tla dula le ahlola ka go hloka toka go fihla neng? Le tla dula le beba sefahlego sa ba kgopo go fihla neng?"

¹²Ahlolelang mmotlana le tšhiwana. Le phethe toka go mohlaki le yo a diilago."

¹³Hlakodišang mmotlana le modiidi; Ba hlakodišeng seatleng sa ba kgopo.”"

¹⁴Ga ba tsebe e bile ga ba kwešiše; Ba itshepelela leswiswing; Metheo ka moka ya lefase e a šišinywa."

¹⁵“Nna ke itše: ‘Le medimo, E bile ka moka ga lena le barwa ba Yo Godimodimo."

¹⁶Ruri le tla hwa go etša batho; Le tla wa go etša le ge e le efe ya dikgošana!’”"

¹⁷Ema hle Modimo, ahlola lefase; Gobane wena ka bowena o tla tšea ditšhaba ka moka ya ba leruo la gago."

¹⁸Wena Modimo, anke o se homole; Anke o se hloke molomo, le gona o se dule o itše tuu, wena Yo Godimodimo."

¹⁹Gobane bona kamoo manaba a gago a tsošitšego mpherefere ka gona; Bao ba go hloilego o šoro ba tsošitše dihlogo."