God of Salem

¹Kumongameli; eyokubethelwa ngezinto ezineentambo. Umhobe ka-Asafu. Ingoma. Waziwa kwaYuda uThixo, Likhulu kwaSirayeli igama lakhe."

²Umnquba wakhe waba seSalem, Nekhaya lakhe eZiyon."

³Wayaphula apho imibane yesaphetha, Ingweletshetshe, nekrele, nezixhobo zemfazwe. (Phakamisani.)"

⁴Ukhanyile, uyingangamsha ngaphezu kweentaba zokuqwenga."

⁵Babhunyulwe abantliziyo iyimbalasane, Balala umlala kanye, Akazifumana izandla zawo onke amakroti."

⁶Ekukhalimeni kwakho, Thixo kaYakobi, Kwasindwa bubuthongo iinqwelo zokulwa namahashe."

⁷Unguwena wena woyikekayo; Ngubani na onokuma phambi kwakho, wakuba nomsindo?"

⁸Emazulwini usivakalisile isigwebo; Loyika ihlabathi, lazola,"

⁹Ekusukeni kukaThixo ukuba agwebe, Abasindise bonke abalulamileyo behlabathi. (Phakamisani.)"

¹⁰Ngokuba ubushushu bomntu buya kuba ngumbulelo kuwe; Uya kuwabhinqa amasalela obushushu."

¹¹Bhambathisani, nisizalise isibhambathiso kuYehova uThixo wenu; Bonke abamngqongileyo mabeze nezithabathaba kofanele kukoyikwa."

¹²Uya kunqumla ukufutha kweenganga, Uyoyikeka kookumkani behlabathi."