God of Salem

¹O lopolotše batho ba gago ka seatla sa gago, E lego bana ba Jakobo le ba Josefa."

²Meetse a go bone, wena Modimo, Meetse a go bone; a kwa bohloko bjo bogolo. Le gona madiba a ferekana."

³Maru a tšholotše meetse ka medumo; Leratadima le le apešitšwego ke maru le ntšhitše modumo. Le gona mesebe ya gago e ile ya ya kua le kua."

⁴Modumo wa legadima la gago o be o etša wa maotwana a koloi; Magadima a edišeditše naga; Lefase le ile la ferekana gomme la šikinyega."

⁵Tsela ya gago e be e phatša lewatleng, Le gona tsela ya gago e be e feta meetseng a mantši; Mehlala ya mo o gatilego gona ga e tsebje."

⁶O etile batho ba gago pele go etša mohlape o etilwego pele, Wa ba eta pele ka seatla sa Moshe le sa Arone."

⁷Lena batho ba ka, hlwayang tsebe le theetše molao wa ka; Sekegelang dipolelo tša molomo wa ka tsebe."

⁸Ke tla bula molomo wa ka ka hlaba diema; Ke tla dira gore go bolelwe dinyepo tša kgalekgale,"

⁹Tšeo re di kwelego ra ba ra di tseba, Le tšeo botatago rena ba re laodišeditšego tšona;"

¹⁰Tšeo re sa di utelego ditlogolo tša bona, Le tšeo re tlago go di laodišetša ba moloko o tlago, E lego mediro e tumišegago ya Jehofa le matla a gagwe Gotee le dilo tša gagwe tše di makatšago tšeo a di dirilego."

¹¹A iša kgopotšo kua ga Jakobo, A bea molao kua Isiraele, E lego dilo tšeo a di laetšego borakgolokhukhu ba rena, Gore ba di tsebiše bana ba bona;"

¹²Gore di tsebje ke moloko o tlago, e lego bana bao ba bego ba tla belegwa, E le gore ba eme ba di laodišetše bana ba bona,"