Why Hast Thou Cast Us Off?

¹Ke rile go mašilo: “Se beng mašilo,” Gomme go ba kgopo ka re: “Se kgantšheng matla a lena."

²Se kgantšheng matla a lena. Le se ke la bolela ka go ikgantšha."

³Gobane go tšwa ka bohlabela goba ka bodikela, Goba gaešita le ka borwa ga go na boiphagamišo."

⁴Gobane Modimo ke moahlodi. O kokobetša yo gomme a phagamiša yola."

⁵Gobane ka seatleng sa Jehofa go na le senwelo, Gomme beine e phophoma lehulo, e tletše ka motswako. Ruri o tla tšholla maitsheki a yona; Ba kgopo ka moka ba lefase ba tla a inola, ba a nwa.”"

⁶Ge e le nna ke tla bolela ka seo go iša mehleng ya neng le neng; Ke tla opelela Modimo wa Jakobo."

⁷“Ke tla ripa manaka ka moka a ba kgopo.” Manaka a moloki a tla phagamišwa."

⁸Modimo o a tsebja Juda; Leina la gagwe ke le legolo Isiraele."

⁹Segola sa gagwe se kua Salema, Bodulo bja gagwe bo kua Tsione."

¹⁰Gona moo o robile mesebe e tšhumago ya bora, O robile kotse, tšhoša le dilo tša go hlabana."

¹¹Wena o apareditšwe ke seetša, o yo mogolo go feta dithaba tšeo go tsongwago go tšona."

¹²Bao e lego ba matla dipelong tša bona ba fedišitšwe, Ba ile le boroko, Gomme ga go le o tee wa bagale ka moka yo a nago le matla a go itwela."

¹³Wena Modimo wa Jakobo, pere gotee le monamedi wa koloi ba ile ka boroko ka baka la kgalemelo ya gago."

¹⁴Wena o a boifiša, Le gona ke mang a ka emago pele ga gago ge o tuka bogale?"

¹⁵O dirile gore tsheko e kwewe go tšwa legodimong; Lefase lona le ile la boifa gomme la homola"

¹⁶Ge Modimo a be a ema gore a ahlole, Gore a phološe ba boleta ka moka ba lefaseng."

¹⁷Gobane pefelo ya motho e tla go reta; Le pefelo e šetšego ya motho wena o tla ikgabiša ka yona."

¹⁸Enelang Jehofa Modimo wa lena gomme le phetheng seo le mo enetšego sona, lena ka moka bao le mo dikologilego. Anke le tlišeng mpho ka poifo."

¹⁹O tla kokobetša moya wa baetapele; Ke yo a boifišago go dikgoši tša lefase."

²⁰Ke tla goeletša Modimo ka lentšu la ka, Ke tla goeletša Modimo ka lentšu la ka, gomme o tla ntshekegela tsebe."

²¹Letšatšing la ge ke le tlalelong ke ile ka tsoma Jehofa. Bošego seatla sa ka se otlologile gomme ga se hwe bogatšu; Moya wa ka o ganne go homotšwa."

²²Ke tla gopola Modimo gomme ka hlaba lešata; Ke tla tshwenyega gomme moya wa ka o tla idibala."

²³O swere diphuphu tša mahlo a ka; Ke ferekane e bile ga ke kgone go bolela."