A Prayer for Righteous Judgment

¹Wena Jehofa, ke tla go reta ka pelo ya ka ka moka; Ke tla bolela ka mediro ya gago ka moka e makatšago."

²Ke tla go thabela ka ba ka go hlalalela, Ke tla opelela leina la gago, wena Yo Godimodimo."

³Ge manaba a ka a boela morago, A tla kgopša gomme a hwela pele ga gago."

⁴Ka gobane o ahloletše nna le tsela ya ka; O dutše sedulong sa bogoši wa ahlola ka toko."

⁵O kgalemetše ditšhaba, wa fediša ba kgopo. O phumotše leina la bona go iša mehleng ya neng le neng, gaešita le ka mo go sa felego."

⁶Wena lenaba, o fedišeditšwe sa ruri, Le metse ye o e phušotšego. Go ka se sa bolelwa ka manaba a gago."

⁷Ge e le Jehofa o tla dula sedulong sa gagwe sa bogoši go iša mehleng ya neng le neng, A se thea gomme a se tiiša bakeng sa kahlolo."

⁸Yena o tla ahlola ka toko lefase le go dulwago go lona; O tla sekiša ditšhaba ka go loka."

⁹Jehofa e tla ba sebo sa le ge e le mang yo a nyamilego o šoro, Sebo dinakong tša tlalelo."

¹⁰Bao ba tsebago leina la gago ba tla go bota, Gobane wena Jehofa o ka se tlogele bao ba go tsomago."

¹¹Opelelang Jehofa yo a dulago Tsione; Bolelang ditiro tša gagwe merafong."

¹²Gobane ge a nyaka ba go tšholla madi, o tla gopola bahlaki; O tloga a ka se lebale sello sa bona."

¹³Nkgaugele hle Jehofa; bona mohlako wo ke o tlišetšwago ke bao ba ntlhoilego, Wena yo a nkukelago godimo a ntloša dikgorong tša lehu,"

¹⁴E le gore ke bolele ditiro tša gago ka moka tše di tumišegago Dikgorong tša morwedi wa Tsione, E le gore ke thabele phološo ya gago."

¹⁵Ditšhaba di wetše ka moleteng wo di o epilego; Lenao la tšona le tantšwe ke lokwa leo di le utilego."

¹⁶Jehofa o tsebja ka kahlolo yeo a e phethilego. Yo kgopo o tantšwe ka mediro ya diatla tša gagwe. Higayone."

¹⁷Ba kgopo ba tla ya Bodulabahu, Le ditšhaba ka moka tšeo di lebetšego Modimo di tla ya gona."