Save Me, O God

¹Kumongameli; ngeyeenyibiba. EkaDavide. Ndisindise, Thixo; Ngokuba amanzi andifikele, ada eza emphefumlweni."

²Nditshonile eludakeni olunzulu, akukho kuma; Ndingene emmbithini onamanzi, umsinga uyandintywilisela."

³Ndidiniwe kukudanduluka; womile umqala wam; Aphelile amehlo am; mna ndilindele kuThixo."

⁴Abandithiyayo ngelize baninzi ngaphezu kweenwele zentloko yam; Baninzi abandibangisayo, abaziintshaba zam bexoka; Into endingayiphanganga bathi mandiyibuyise."

⁵Thixo, wena uyakwazi ukumatha kwam; Namatyala am akanakugushwa kuwe."

⁶Mabangadani ngam abakuthembayo, Nkosi yam, Yehova wemikhosi; Mabangangcikivwa ngam abakufunayo, Thixo kaSirayeli."

⁷Ngokuba ndithwele ingcikivo ngenxa yakho; Ihlazo libugqubuthele ubuso bam;"

⁸Ndingowasemzini kubazalwana bam; Ndingowolunye uhlanga kubantwana bakama:"

⁹Ngokuba lindidlile ikhwele ngenxa yendlu yakho: Iingcikivo zabakungcikivayo ziwe phezu kwam."

¹⁰Mna, umphefumlo wam walila, uzila ukudla; Oko kwaba yingcikivo kum."

¹¹Iingubo zam zaba zezirhwexayo, Ndaba yinto yokuzekelisa kubo."

¹²Bathetha ngam abahleli esangweni; Ndiyingoma yamanxila."

¹³Ke mna ndithandaza kuwe, Yehova, ngexesha elikholekileyo: Thixo, ngobuninzi benceba yakho, Ndiphendule ngenyaniso yosindiso lwakho."

¹⁴Ndihlangule eludakeni, ndingatshoni; Mandihlangulwe kwabandithiyayo nasemimbithini enamanzi."

¹⁵Mawungandintywiliseli umsinga wamanzi; Ingandiginyi inzulu; Iqula malingandivingceli ngomlomo walo"

¹⁶Ndiphendule, Yehova, ngokuba ilungile inceba yakho, Ngangobuninzi bemfesane yakho ndibheke."

¹⁷Musa ukubusithelisa ubuso bakho kumkhonzi wakho, Ngokuba ndibandezelekile; khawuleza undiphendule."

¹⁸Sondela emphefumlweni wam, uwukhulule; Ngenxa yeentshaba zam ndikhulule."

¹⁹Wena uyakwazi ukungcikivwa kwam, nokudaniswa kwam, nokuhlazwa kwam; Baphambi kwakho bonke abandibandezelayo."

²⁰Ingcikivo yaphula intliziyo yam, ndaphantsa ukufa; Ndathemba ukukhuzwa, akwabakho; Nokuthuthuzelwa, andakufumana."

²¹Ukudla bandinika inyongo; Ekunxanweni kwam bandiseza iviniga."

²²Isithebe sabo phambi kwabo masibe ngumgibe; Sibe sisirhintyelo kwabanemasi."

²³Makabe mnyama amehlo abo, bangaboni, Usigxadazelise isinqe sabo amaxesha onke."

²⁴Baphalazele ngobhavumo lwakho, Kubafikele ukuvutha komsindo wakho."

²⁵Ingqili yabo mayibe senkangala, Ezintenteni zabo kungahlali mntu;"

²⁶Ngokuba bayamsukela obethwe nguwe, Bancokole ngomvandedwa wobahlabileyo wena."

²⁷Yongeza ubugwenxa ebugwenxeni babo, Bangangeni ebulungi senibakho."

²⁸Mabacinywe encwadini yobomi, Bangabhalwa namalungisa."

²⁹Ke mna ndilusizana, ndinomvandedwa; Usindiso lwakho, Thixo, malundise engxondeni."

³⁰Ndiya kulidumisa igama likaThixo ngokuvuma, Ndilenze likhulu ngokubulela."

³¹Oko kuya kukholeka kuYehova ngaphezu kweenkunzi ezintsha, Ezineempondo neempuphu."

³²Bebona abalulamileyo, bovuya; Nina bamquqelayo uThixo, intliziyo yenu mayiphile."

³³Ngokuba uYehova uyaweva amahlwempu, Akabadeli ababanjiweyo bakhe."

³⁴Malimdumise izulu nomhlaba, Ulwandle nento yonke enambuzelayo kulo."

³⁵Ngokuba uThixo uya kuyisindisa iZiyon, ayakhe imizi yakwaYuda, Bahlale khona, bayime;"

³⁶Ilidle ilifa imbewu yabakhonzi bakhe; Bahlale kuyo abalithandayo igama lakhe."